Kush është Florijana Ismaili, futbollistja e vetme shqiptare që e përfaqëson Zvicrën
Kapitenia e Young Boys, Florijana Ismaili, është shpallur e zhdukur që nga e shtuna pasdite kur me një kolege të sajën kishin dalë për të lundruar dhe notuar në Liqenin Como në Itali.
Ndërkohë që ekipet e kërkim-shpëtimit janë në kërkim të saj, mësoni më shumë lidhur me jetën dhe karrierën e 24-vjeçares.
Në përfaqësuesen e Zvicrës ka yje, si Ramona Bachmann dhe Lara Dickenmann, mirëpo për vite të tëra, Florijana ka qenë lojtarja e cila e ka bërë lojën në skuadër. Ajo u vlerësua shumë për potencialin e saj në vitin 2015 duke u përfshirë në Kampionatin Botëror në Kanada. Para Kampionatit Evropian të vitit 2017, mesfushorja ofensive i bëri të gjitha përgatitjet, mirëpo befasisht nuk i ftua nga ish-trajnerja Martina Voss-Tecklenburg për të qenë pjesë e turneut në Holandë.
Pas kampionatit Evropian, Ismaili u rikthye në përfaqësuese, ku i ka regjistruar 33 ndeshje. Duke qenë një besimtare myslimane, ‘Flori’ është shprehur: “Lutem para secilës ndeshje. E kam marrë këtë si fëmijë nga shtëpia, është pjesë e imja. Feja më bën më të fortë. Lutem në zhveshtore, para secilës ndeshje”.
E lindur në Aarberg në Kantonin e Bernës dhe me origjinë nga Presheva, Floriana është shprehur shumë e lumtur, duke qenë se ishte futbollistja e vetme me rrënjë shqiptare që luante për Zvicrën. Një dallim i madh nga skuadra e meshkujve, e cila është dominuar nga lojtarë shqiptarë.
Florijana është quajtur “Xherdan Shaqiri i ekipit të femrave të Zvicrës”, sepse mund të luajë në fazën ofensive në krah, por edhe në pozitën e dhjetëshes. Dhe duke qenë shqiptare, ajo është krahasuar me Shaqirin.
Karrierën në futboll e nisi në moshën dhjetëvjeçare te FC Walperswil e frymëzuar nga babai i saj. Në moshën 16 vjeçare, Young Boys e vërejti talentin e saj dhe e përfshiu në skuadër, ku ka luajtur për ekipin e parë që nga viti 2011 duke qenë lojtarja kryesore.
Te Zvicra, megjithatë, ajo mbeti në rolin e ‘xhokerit’, sidomos për faktin se kishte refuzuar të luante në klubet jashtë Zvicrës. Megjithatë, asaj kurrë nuk i ka munguar potenciali. Krahas të qenit futbolliste, ajo ka punuar pjesërisht në një qendër fitnesi në Bernë.
Është lidhja e ngushtë që e ka me familjen, ajo që nuk e ka lejuar Florijanën të largohet nga Zvicra për të luajtur për klube tjera të mëdha. Kur është pyetur se çfarë do të bënte në rast se do të fitonte miliona, 24-vjeçarja është shprehur: Në radhë të parë, do të ndërtoja një shtëpi për prindërit e mi”.
Ndryshe, gjatë muajit qershor, Këshilli Kombëtar Shqiptar e shpalli atë ‘Ambasadore të Luginës’. njëherësh, ajo është edhe ambasadore e ‘Credit Suisse Cup’.
“KKSH me dhuroi Titullin Ambasadore e Luginës, edhe pse isha e vetmja femër, vendi im nuk më harroi! Falënderimi i takon z. Ragmi Mustafa dhe z.Enkel Rexhepi që më mundësoi ta kem një shenjë respekti nga Lugina. Nder i veçantë për këtë titull”, kishte shkruar futbollistja me këtë rast.
Florijana Ismaili e kishte përfaqësuar Zvicrën edhe në grupmoshat U-17 dhe U-19, ndërsa për ekipin e parë debutoi më 16 janar 2014 në një ndeshje kundër Portugalisë. Vetëm dy javë më parë, ajo e kishte zhvilluar ndeshjen e fundit me përfaqësuesen.
Në total, 24-vjeçarja i ka zhvilluar 33 ndeshje për Zvicrën, ndërsa te Young Boys është kapitene. Në sezonin e kaluar kishte realizuar shtatë gola duke u bërë golashënuesja më e mirë në skuadër. /Telegrafi/
Promo
Reklamo këtu
Nga Auto Mita
Nga Grand Residence Prizren
Nga MEKA HALAL FOOD
Nga Fafa Resort
Lufta Prigozhin - Putin
Më shumë
Nga Rubrika
Thiago Silva arrin marrëveshje me klubin e ri
Barcelona dhe Bayern Munich po konsiderojnë shkëmbimin e çmendur, marrëveshja do t’i bënte të dy klubet jashtëzakonisht të lumtur
Milani në listën kryesore ka tre trajnerë portugezë – në krye të saj ish ylli i Interit
Nuk pajtohet me Ancelottin, mbrojtësi i Real Madridit ka gjetur destinacionin e ri
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City
Presidenti i Bayernit shokon të gjithë me trajnerin e ri që do ta marrë drejtimin e klubit: Ai është një ekspert i shkëlqyer
Milani në listën kryesore ka tre trajnerë portugezë – në krye të saj ish ylli i Interit
Mbappe ‘konfirmon’ transferimin te Real Madridi, bleu vilën e legjendës së Los Blancos
Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City