“PSP nuk heton raste të ndjeshme politike, diskutabile lufta kundër korrupsionit”

Në raportin e Grupit të vendeve kundër korrupsionit (GREKO) për “Vlerësimin e Republikës së Maqedonisë së Veriut” dhe “Parandalimin e korrupsionit dhe promovimin e internetit te pushteti qendror dhe organet për zbatimin e ligjit”, publikuar nga ana e Ministrisë së Drejtësisë, theksohet se sistemi i drejtësisë penale nuk është i suksesshëm në luftën e korrupsionit, ndërsa PSP nuk heton raste sistematike të profilit të lartë apo raste të ndjeshme politike.

“Konsiderohet se përparimi në këtë fushë fuqishëm varet nga ajo nëse gjyqësia në vend mund të fillojë në mënyrë të pavarur”, thuhet në raport, përcjell Telegrafi Maqedoni.

Ekspertët e GREKO-s konstatojnë se kapaciteti në sektorin publik në luftimin kundër korrupsionit ka shumë mungesa.

Sa i përket organeve të hetimit, GREKO thotë se një ndër problemet kryesore është politizimi i policisë dhe nevoja për përforcim të pavarësisë së saj.

Grupi i shteteve kundër korrupsionit (GREKO) është trup i Këshillit të Evropës e themeluar që ta vëzhgojë zbatimin e standardeve anti-korrupsion. Rrethi i pestë i evoluimit të Maqedonisë filloi në vitin 2017, ndërsa në raport ndaj shtetit janë dërguar 23 rekomandime që duhet të zbatohen deri më 30 shtator të vitit 2020./Telegrafi/