Partia e Baçevit: Zaevi dhe Ahmeti përgatisin falsifikimin e regjistrimit të popullsisë

Partia Maqedonia e Vetme, e cila udhëhiqet nga Janko Baçev, përmes një komunikate për media thekson se kryeministri Zoran Zaev dhe kryetari i BDI-së Ali Ahmeti po përgatisin falsifikimin e regjistrimit të popullsisë, i cili do të bëhet në vitin 2020.

“Falsifikimi i regjistrimit pritet të bëhet në mënyrë që si shqiptarë do të regjistrohen edhe banorët që nuk jetojnë ose me vite nuk kanë hyrë në Maqedoni, mbi bazë të deklaratës së ndonjë anëtari të familjes, edhe pse standard evropian është që të regjistrohen të gjithë ata që të paktën në 12 vitet e fundit kanë hyrë në Maqedoni”.

“Edhe në kushte kur gjithë fuqia është e koncentuar tek Zaevi, ftojmë deputetët e shumicë parlamentare të tregojnë përgjegjësi dhe t’ia marrin të drejtën Zaevit të pranojë falsifikim të regjistrimit në vitin 2020 dhe në diskutime kuvendare t’i fshijnë dispozitat ligjore me të cilat mundësohet falsifikimi i regjistrimit”, thonë nga Maqedonia e Vetme.

Ata shtojnë se nuk do të pranojnë regjistrim të falsifikuar, ndërsa një tentim të tillë do ta konsiderojnë si tradhti ndaj Republikës së Maqedonisë./Telegrafi/