Kryeministri i Republikës së Kosovës, Ramush Haradinaj, mori pjesë në takimin e Këshillit Ministror për Integrim Evropian, në të cilin është diskutuar për të gjeturat e Raportit të KE-së për Kosovën 2019, Agjendën e Reformave Evropiane dhe Programin Kombëtar për Zbatimin e MSA-së.
Haradinaj, tha se në këtë raport janë dhënë vlerësimet për të arriturat në vend, por edhe vërejtjet, kritikat dhe të gjeturat tjera, të cilat na obligojnë së bashku që të ballafaqohemi me to.
“Shprehim bindjen tonë se disa aspekte të punës sonë kanë mbetur të pa përfshira në këtë raport, megjithatë është detyra jonë që t’i përvishemi punës bazuar edhe në të gjeturat e raportit për vendin, në mënyrë që të ecim me gjitha temat që i kemi para nesh”, tha kryeministri Haradinaj.
Duke theksuar se ambicia e institucioneve të Kosovës është statusi i kandidatit për Kosovën, kryeministri Haradinaj tha se nuk mund të mbetemi në vazhdimësi të kushtëzuar vetëm nga zbatimit i MSA-së.
“MSA duhet të ecë përpara, por disa ngecje në zbatim të MSA-së janë të lidhura edhe me faktin e mos njohjes së pesëshes dhe disa zhvillimeve të tjera. Kosova mund në të njëjtën kohë të bëhet gati për statusin e kandidatit. Ajo që na ka ardhur mirë të gjithëve dhe që po pranohet edhe nga qeveritë veç e veç, pas Qeverisë Gjermane, është gjuha në raport për urgjencën për liberalizimit të vizave dhe besoj se do të punojmë në këtë drejtim”, tha kryeministri Haradinaj, duke falënderuar të gjithë ata që kanë qenë të përfshirë në zbatimin e MSA-së dhe temat që i trajton raporti.
Ministrja e Integrimit Evropian, Dhurata Hoxha, tha se pas publikimit te Raportit nga Komisioni Evropian, është koha të reflektohet mbi të gjeturat e këtij raporti dhe është shumë e rëndësishme që të diskutohen dhe evidentohen edhe fushat në të cilat ka ngecje në zbatim, dhe të dilet me një plan konkret se si të tejkalohen këto sfida, ku secili nga ne do të përmbush obligimet e dala nga këto raporte brenda afateve të caktuara.
“Sa i përket zbatimit të ERA, përkundër të arriturave ne duhet të fokusohemi se çka mund të bëjmë më tepër, sidomos në masat në zbatim e sipër. Është e papranueshme që një numër i konsiderueshëm i rekomandimeve na përsëriten ndër vite”, tha ministrja Hoxha.
Gjatë këtij takimi, në të cilin u shqyrtua Raporti i KE-së për Kosovën 2019, në mënyrë specifike u diskutua për zbatimin e ERA 2016-2019, hartimi i ERA 2019-2020, në shtyllat si; qeverisja e mirë dhe sundimi i ligjit, konkurrueshmëria, investimet dhe zhvillimi i qëndrueshëm, punësimi dhe arsimi, si dhe zbatimi PKZMSA 2019-2023.
Në fjalën përmbyllëse, kryeministri Haradinaj kërkoi përkushtim më të madh nga ana e institucioneve të Kosovës në adresimin e të gjitha sfidave. /Telegrafi/
Lufta Prigozhin - Putin
Më shumëOperacioni kundër fajdeve, Policia e Kosovës publikon pamjet
Flet nëna e youtuberit shqiptar në kërkim për fyerje të Islamit
Bie në hapësirën e ashensorit, vdes 47-vjeçarja në Prizren
QMK: Gjithnjë e më shumë thirrje në numrin e emergjencave për prani të gjarpërinjve në vendbanime
Vdekja e ushtarit 25-vjeçar – Shtabi i Përgjithshëm: Ushtria nuk ka helikopter i cili i plotëson kushtet për transport special mjekësor
Goditet grupi kriminal që dyshohet për fajde në Prishtinë e Pejë, arrestohen tre persona
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Pse fitorja e Spanjës i vjen përshtati Shqipërisë, para ndeshjeve të fundit në fazën e grupeve?
Rodri mungon ndaj Shqipërisë, bëhet lojtari i parë që thyen rregullin e ri në Euro 2024
Operacioni kundër fajdeve, Policia e Kosovës publikon pamjet
Publikohet "njoftimi që do ta trondit botën e sportit" nga Endrick dhe fansat janë shumë të zhgënjyer
Pse Kylian Mbappe nuk do të lejohet të mbajë maskën e tij për Francën në Euro 2024
Çfarë ndodhi mes Cole Palmer dhe Gareth Southgate pas ndeshjes Angli- Danimarkë