Në aksionin policor i cili u zhvillua të martën në veri të vendit, u arrestua shtetasi rus Mikhail Krasnoshchenkov, i cili thuhet se është punëtor i UNMIK-ut.
Pas arrestimit dhe me pastaj lirimit të tij, kryeministri Haradinaj doli me një vendim duke e shpall shtetasin rus person Non Grata (i padëshirueshëm), për të cilin tha se ishte spiun i kamufluar, si punëtor i OKB-së.
Në lidhje me këtë vendim ka reaguar, Farhan Haq, zëdhënës i Sekretarit të Përgjithshëm të OKB-së, Antonio Guterres, i cili ka thënë se Kosova nuk mund të marrë një vendim të tillë, pasi OKB-ja nuk është shtet.
Por analistët e kësaj fushe për Telegrafin kanë vlerësuar se veprimi i kryeministrit është legal dhe legjitim, pasi Qeveria e Kosovës ka të drejtë të kërkojë të largohen personat e caktuar që veprojnë kundër interesave të Kosovës.
Politologu Ramush Tahiri theksoi se në këtë rast të dyja palët kanë të drejtë.
Sipas tij, nëpunësit e OKB-së kanë imunitet diplomatik dhe se nuk mund të merren procedura ndaj tyre, mirëpo edhe Qeveria e Kosovës ka të drejtë të largoj personat e huaj që nuk sillen konform ligjit dhe Kushtetutës së Kosovës.
“Në këtë rast duket që secili ka të drejtë. Qeveria e Kosovës ka të drejtë të kërkoj të largohen personat e caktuar që veprojnë kundër interesave të Kosovës dhe që janë shtetas të huaj sepse nuk sillen konform normave dhe kodeve dhe nuk respektojnë ligjin dhe Kushtetutën. Personi në fjalë dyshohet se iu ka ndihmuar serbëve lokal në barrikadim dhe në pengimin e aksionit të policisë. Si i tillë është arrestuar në flagrancë së bashku me qytetarët tjerë të Kosovës të cilët kanë marr dënime mandatorë ose janë në procedurë për tu dënuar për pengimin e aksionit të Policisë. Ndërsa një procedurë e tillë e cila është me argumente dhe e filmuar ndaj këtij nënpunësi nuk mund të ndërmirret sepse ai ka imunitet diplomatik dhe sepse misioni i OKB ka imunitet diplomatik. Fatkeqësia e misioneve ndërkombëtare siç është kjo e UNMIK-ut ose EULEX janë të tilla që nuk mund të marrin masa ndaj tyre. Por mund të ndërprenë bashkëpunimin ose t’i kërkojnë misionit që të ndërmerr masa dhe ta largojnë personin”, ka thënë Tahiri.
Edhe analisti politik Belul Beqaj potencoi se në Kosovë janë në fuqi dy dokumente, Kushtetuta e Republikës së Kosovës dhe Rezoluta 1244 e UNMIK-ut.
Beqaj tha se zyrtarët e UNMIK-ut kanë imunitet juridik të cilën e kanë shfrytëzuar në disa raste penale, mirëpo në anën tjetër siç tha ai Kosova e ka infrastrukturën legale dhe Gjykata Ndërkombëtare e Drejtësisë, nuk e ka kontestuar të drejtën e pavarësisë, prandaj veprimi i kryeministrit është legal dhe legjitim.
“Dihet mirëfilli se në Kosovë (Kushtetuta dhe Rezoluta 1244 e UNIMIK-ut) janë në fuqi formale dy dokumente edhe pas shpalljes së pavarësisë dhe aprovimit të Kushtetutës së Kosovës. Kundruar nga ky këndë, e vërtet është se zyrtarët e UNMIK-ut, lege artis kanë imunitet juridik, të cilën gjë e kanë shfrytëzuar në disa raste penale deri me sot … Në anën tjetër, Kosova e ka rrumbullakuar infrastrukturën legale dhe GJND nuk e ka kontestuar të drejtën e pavarësisë, prandaj veprimi i kryeministrit është legal dhe legjitim”, tha ai.
Siç u shpreh tutje Beqaj, ky është një moment kundërthënës dhe argument plus që Rezoluta 1244 të dërgohet në histori.
“Kjo pasi zyrtari rus është zënë corpus delicti dhe pavarësisht nga imuniteti që ai e ka, është keqpërdor detyra zyrtare duke rrezikuar besimin e misionit të UNMIK-ut, në Kosovë që vazhdimin e Rezolutës 1244, e bënë të panevojshëm dhe të dyshimtë”, tha ndër të tjera, Belul Beqaj.
Ndryshe, zyrtari i UNMIK-ut, shtetasi rus Mikhail Krasnoshchenkov, veturën e tij zyrtare e vendosi si barrikadë ndaj Policisë së Kosovës, gjatë aksionit të së martës, si dhe i bëri rezistencë arrestimit të tij, në Zubin Potok. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kompanitë e sigurimeve në Maqedoni reagojnë për shtyrjen e rritjes së çmimit të polisave
Rënia për 19 vende në raportin e Reporterëve pa Kufij, Qeveria: Nuk ishte vit i lehtë në aspektin e sigurisë, marr parasysh ngjarjet në veri
25 vjet burgim për Enver Sekiraqën
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe