Performanca mbresëlënëse e Jonidës në finalen e Eurovisionit dhe mënyra si mund të votoni

Këngëtarja shqiptare, Jonida Maliqi, ka bërë një performancë mahnitëse në natën finale të edicionit të sivjetmë të Festivalit Evropian të Këngës, Eurovision.

Në evenimentin që zhvillohet në Tel Aviv të Izraelit, artistja jonë e përfaqëson Shqipërinë me këngën “Ktheju Tokës”.

🇦🇱 Albania's Jonida Maliqi giving us all the feels.@ESCAlbania#DareToDream #Eurovision #ALB pic.twitter.com/ThHwonqkJ8

— Eurovision Song Contest (@Eurovision) May 18, 2019

Pas interpretimit të shkëlqyeshëm në gjysmëfinalen e dytë, Jonida siguroi vizën për në finale, ku njëherësh ishte mbresëlënëse.

Lexo po ashtu Të gjitha lajmet nga Eurovision

Ajo ka performuar e dyta në renditje dhe si rrjedhojë mban kodin “02”, nga ku shqiptarët anembanë diasporës mund të votojnë deri 20 herë, duke mbështetur artisten drejt një kualifikimi sa më të lartë.

Up next it's Jonida Maliqi with her song Ktheju tokës, representing Albania! #DareToDream #Eurovision pic.twitter.com/OtmgdOxfRi

— Eurovision Song Contest (@Eurovision) May 18, 2019

Pjesën konkurruese të ‘Eurovision 2019’ e nisi Malta, ndërsa janë 26 shtete që performojnë në natën finale të festivalit të madh evropian.

Votimi

Duke qenë se është e dyta në garë, si rrjedhojë ajo mban kodin “02”, përmes së cilit shqiptarët nga diaspora mund të votojnë përmes numrave përkatës të shtetit ku ata ndodhen.

Të drejtë votimi kanë edhe shqiptarët që ndodhen në Australi, teksa maksimumi i votave që një individ mund të japë është deri në 20 (njëzet).

Votat e publikut mbajnë 50 për qind të peshës, ndërkohë që 50 për qind është pesha e jurisë profesionale, e formuar nga secili shtet që do të gjykojë këngët finaliste.

Votimi për publikun hapet në përfundim të të gjitha performancave dhe zgjat vetëm 15 minuta – ndërkohë që mund të votohet edhe përmes aplikacionit “Eurovision”, për ata që e kanë të shkarkuar në telefonin e tyre.

Në fund të mbrëmjes shpallen rezultatet, fillimisht votat e jurisë jepen nga secili shtet të konvertuara nga 1 deri në 7 pikë në renditje të plotë, dhe më pas me 8 pikë për vendin e tretë, 10 për vendin e dytë dhe 12 pikë për vendin e parë.

Pas votimit të jurisë, publikohet i kalkuluar edhe votimi i publikut, i cili jep vulën përfundimtare se kush do ta fitojë këtë kompeticion. /Telegrafi/