Spasovski: Nuk ka indikacione për valë të re të emigrantëve

Ministri i Punëve të Brendshme gjatë vizitës së tij të punës në Manastir deklaroi se “nuk kemi indikacione të cilat do të potencojnë se në kohë shumë të shpejtë do të mund të kemi valë të re të emigrantëve”.

Sipas Spasovskit, e migrimi, terrorizmi dhe cyber-krimi do të jenë sfida të cilat do të zgjasin në afat të gjatë dhe, siç tha, ne për to, seriozisht po përgatitemi, përcjell Telegrafi Maqedoni.

“Nuk kemi indikacione të cilat do të potencojnë se në kohë shumë të shpejtë do të mund të kemi valë të re të emigrantëve. Sipas të dhënave nga viti 2019, ka vëllim të madh të tentimeve për kalimin ilegal të kufirit, por nëse merret parasysh fakti se në vitin 2018 policia e Maqedonisë së Veriut në kufirin jugor, 90 për qind nga numri i përgjithshëm të emigrantëve ilegalë ose rreth 17.000 ka arritur t’i zbulojë dhe pengojë për të hyrë ilegalisht në shtet, tregon se kemi sistemim të mirë, si me mjete materiale, ashtu edhe me resurse njerëzore”.

“Gjatë tre javëve të fundit statistika tregon se kemi zvogëlim të numrit që po tenton të hyjë ilegalisht në Republikën e Maqedonisë së Veriut. Situata është nën kontroll, ndërsa ne vazhdimisht po përgatitemi dhe ndërmarrim masa me shtetet nga rajoni, por edhe me shtetet anëtare të BE-së, që me masa së bashku të krijuara, të jemi të gatshëm dhe me sukses të ballafaqohemi me këtë proces për çdo periudhë, nëse paraqitet kriza me emigrantë. Migrimi, terrorizmi dhe sajber krimi do të jenë sfida të cilat do të zgjasin në afat të gjatë dhe ne seriozisht po përgatitemi”, deklaroi Spasovski.

Në pyetjen e gazetarëve lidhur me ndryshimet e ardhshme institucionale të funksionarëve nga pushteti, ministri Spasovski tha se e përkrah operacionin për ndryshime.