Spasovski pret që Interpoli ta publikojë fletëarrestin për ish kryeministrin Nikolla Gruevski

Nga Ministria e Punëve të Brendshme thonë se kërkesa për shpalljen e fletëarrestit ndërkombëtar është e plotë për ish kryeministrin Nikolla Gruevskit. Ministri Spasovski thotë se janë dërguar të gjithë dokumentet deri tek Interpoli dhe pret që kjo polici ndërkombëtare të publikojë fletëarrestin.

“Ne disa herë kontaktuam dhe dorëzuam të gjitha dokumentet. Do të thotë nëpërmjet MPB-së, Ministrisë së Drejtësisë, të gjitha dokumentet janë siguruar dhe dorëzuar në Interpol. Ata po bëjnë disa hetime nëse fletëarresti i plotëson kushtet për publikim në Interpol”, thotë i pari i ministrisë së Punëve të Brendshme, përcjell Telegrafi Maqedoni.

Lexo po ashtu Interpoli: Përgjigjja për fletëarrestin e Gruevskit, në Shkup

Ndryshe, javën e kaluar Prokuroria javën e kaluar zbuloi se për një kohë të gjatë pa arsyetim Interpol refuzon të publikojë fletëarrestin për Nikolla Gruevski. Prokurorja Vilma Ruskovska deklaroi se 2 muaj pret nga Inerpoli të publikojë fletëarrestin.

Ish kryeministri Gruevski është i dyshuar për organizimin e ngjarjeve të dhunshme në Kuvend më 27 prill të vitit 2017. Për të njëjtin rast kërkohet edhe ish-punëtori në DSK, Nikolla Boshkovski por edhe për atë Interpoli nuk ka publikuar fletëarrestin./Telegrafi/