Me krenarinë më të madhe për vendin e saj, Rita Ora: Udhëtimi i fundit në Kosovë më lejoi të shohë punën e mrekullueshme të UNICEF, jam pa fjalë

Këngëtarja shqiptare me famë botërore, Rita Ora, tash e sa vite është njëra ndër ambasadoret e organizatës më të madhe botërore, UNICEF.

Ajo ishte prezente gjatë muajit prill të këtij viti në Kosovë së bashku me UNICEF-in, për një mision të veçantë për t’u dalë ndihmë fëmijëve në nevojë të Kosovës.

Së fundmi, këngëtarja shqiptare ka ndarë me fansat e saj në rrjetin social Instagram disa fotografi të realizuara gjatë qëndrimit të saj në Kosovë, por edhe pjesëmarrjet në eventet e UNICEF, duke treguar se ndjehet krenare që është pjesë e kësaj organizate.

Lexo po ashtu UNICEF dhe Rita motivojnë të rinjtë në Kosovë, Ora: Jam krenare që jam pjesë e këtij kombi, faleminderit për mirëpritjen

“Unë jam përtej e nderuar që të ndajë me ju gjithçka nga emërimi im si ambasadore e UNICEF. Që nga viti 2013, mësuar shumë për UNICEF-in dhe punën e mrekullueshme që ata bëjnë për të nxitur ndryshime pozitive për fëmijët e së ardhmes sonë. Udhëtimi im i fundit në Kosovë më lejoi të shoh punën e mrekullueshme të UNICEF-it në vendin tim amtar dhe unë jam më e vendosur se kurrë për të shfrytëzuar pozitën time për të mbështetur, për të bërë fushatë dhe për të mbrojtur. Faleminderit UNICEF – Unë jam pa fjalë!”, ka shkruar Ora në Instagram.

https://www.instagram.com/p/BxUarJnhVdo/

Përgjatë kohës sa ishte në Kosovë, Rita shfrytëzoi rastin edhe për të takuar familjarët e saj, ndërsa bashkë me të atin bën homazhe edhe te varri i gjyshit të saj të ndjerë, regjisorit Besim Sahatçiu.

Lexo po ashtu Nga aksionet me UNICEF, vizitat te familjarët e deri te homazhet te varri i gjyshit - udhëtimi që Rita Ora realizoi në Kosovë

Së fundmi, familja Ora bën të ditur se ata blenë shtëpi në Prishtinë, përkatësisht në Bërnicë, duke pretenduar se do të vijnë më shpesh. /Telegrafi/