LAJMI I FUNDIT:

UNICEF dhe Rita motivojnë të rinjtë në Kosovë, Ora: Jam krenare që jam pjesë e këtij kombi, faleminderit për mirëpritjen

UNICEF dhe Rita motivojnë të rinjtë në Kosovë, Ora: Jam krenare që jam pjesë e këtij kombi, faleminderit për mirëpritjen
Rita Ora (Foto: Ridvan Slivova/Telegrafi)

Organizata botërore e cila u del në ndihmë fëmijëve në nevojë në mbarë botën, UNICEF me filialin e saj në Kosovë, ka mbajtur në Amfiteatrin e Biblitokës së Universitetit të Prishtinës një ngjarje të titulluar “Activate Talks”.

Ngjarja, e cila nisi me prezantimin e programeve të UNICEF-it, së cilit i janë bashkuar shumë adoleshentë, pati shumë të ftuar specialë.

Ndër të pranishmet ishte edhe vet këngëtarja shqiptare me famë botërore, Rita Ora, e cila prej dy ditësh po qëndron në vendlindjen e saj, duke u marrë me disa aktivitete humanitare të organizuara së bashku me UNICEF.

Rita Ora në Prishtinë (Foto: Ridvan Slivova/Telegrafi)

Katër të rinj prezantuan kauzat e UNICEF-it, duke treguar ndër të tjerash edhe histori nga jeta personale, se si dikur ishin të paragjykuar nga shoqëria, por që mesazhi ishte i qartë – të mos dorëzoheshe kurrë.

Adoleshentët e mbështetur nga UNICEF-i ndanë me të pranishmit eksperiencat e tyre nga përvojat personale, duke cituar se vështirësitë drejt suksesit janë të mëdha, por jo të pa arritshme (Foto: Ridvan Slivova/Telegrafi)

Këtij diskutimi më pas iu bashkuan edhe disa nga panelistët, të ftuar special, të cilët shtjelluan misionin që UNICEF tash e sa vite po realizon në Kosovë.

Panelistët e këtij takimi ishin:

Kujtim Gashi – Ministër i Kulturës, Rinisë dhe Sportit
Nataliya Apostolova – Shefe e zyrës së BE-së në Kosovë
Gernot Pfandler – Ambasador i Austrisë në Kosovë
Karin Hernmarck Ahliny – Ambasadorja e Suedisë në Kosovë
Ukrika Richardson – Koordinatore e Zyrës së Kombeve të Bashkuara në Kosovë
Bajrush Sezairi, Zv. Ministër i Arsimit, Shkencës dhe Teknologjisë

Paneli i të ftuarve diskutuan rreth aktiviteteve që UNICEF vazhdimisht realizon në ndihmë të fëmijëve në Kosovë (Foto: Ridvan Slivova/Telegrafi)

Shefja e zyrës së BE-së në Kosovë, Nataliya Aposotolova mori gjithashtu mikrofonin për të thënë se ajo dëshiron sa më shumë inkuadrimin e të rinjve në udhëheqjen e vendit.

Pak a shumë njëlloj u shpreh edhe ambasadori austriak, Gernot Pfandler, i cili tha se vendi i tij ka treguar përkushtim për një arsimim sa më cilësor në Kosovë, ndërsa porositi të rinjtë e vendit që të punojnë sa më shumë, duke mos pritur gjëra të gatshme nga të tjerët.

Pas diskutimit në panel, ishte asistentja Dafina Zuna ajo e cila prezantoi para të gjithëve mysafiren speciale të ngjarjes, atë që të gjithë po e prisnin – ambasadoren tonë Rita Ora.

Ambasadorja e Kosovës, Rita Ora, mbajti fjalim emocionues për të rinjtë në Kosovë (Foto: Ridvan Slivova/Telegrafi)

Me një mirëpritje madhështore dhe duartrokitje të shumta, Rita Ora arriti e buzëqeshur në sallën e mbushur plot të rinj dhe aktivistë te UNICEF-it.

Ajo tha se dy ditët e fundit që kaloi në Kosovë, ishin të mbushura me aktivitete në ndihmë të komunitetit tonë.

“Faleminderit shumë të gjithëve, jam Rita, jam shumë e lumtur që jam këtu. Unë kam qëndruar këtu në Kosovë prej dy ditësh, ne bëmë një udhëtim të pabesueshëm me UNICEF-in gjatë këtyre dy ditëve të shkuara”, ka thënë Rita Ora.

Rita Ora e lumtur dhe entuziaste që ndodhej me mision bamirësie në Kosovë (Foto: Ridvan Slivova/Telegrafi)

Më pas, ajo ka falënderuar të gjithë shqiptarët për mirëpritjen, ndërsa i ka përshëndetur të pranishmit, duke u kërkuar atyre që të qëndrojnë të bashkuar dhe të jenë gjithnjë në shërbim të nevojave të komunitetit.

“Me të vërtetë po mundohem që ta ndihmoj rininë kosovare. Jam e mrekulluar me punën që po bëjnë të rinjtë dhe jam krenare se jam pjesë e këtij kombi. Me të vërtetë jam e lumtur që kam takuar shumë heronj të ri. Faleminderit që më keni pritur”, ka thënë më tej Rita Ora.

E njëjta gjatë ditës, bashkë me të ëmën e saj, Vera Sahatçiu – Ora, kanë vizituar kopshtin “Shtëpia Magjike”, duke gëzuar dhjetëra fëmijë me prezencën e saj.

Rita Ora gjatë ditës vizitoi edhe fëmijët e kopshtit “Shtëpia Magjike” (Foto: Kopshti Shtëpia Magjike/Facebook)

Rita përndryshe do të qëndrojë në Kosovë deri më datë 11 prill, dhe më pas do të largohet për në Dubai, atje ku do të vazhdojë turin e saj të koncerteve “Phoenix”.

UNICEF promovon të drejtat e mirëqenies së secilit fëmijë, në të gjitha ato që bën. Së bashku me partnerët e tyre, ata punojnë në 190 vende dhe territore për të shndërruar këtë zotim në veprim praktik, duke përqendruar përpjekjet e veçanta për të depërtuar deri tek fëmijët më të margjinalizuar dhe të anashkaluar, për përfitim të gjithë fëmijëve. /Telegrafi/

Rita Ora dhe UNICEF motivuan të rinjtë në Kosovë (Foto: Ridvan Slivova/Telegrafi)

Në trend Magazina

Më shumë
Momenti kur roja i sigurisë së Dua Lipës e ndalon fansen që të fotografohet me të - ia gjuan telefonin në tokë

Momenti kur roja i sigurisë së Dua Lipës e ndalon fansen që të fotografohet me të - ia gjuan telefonin në tokë

Magazina

"E spërkat me ujë dhe nuk ia lëshon rrugën" - Meriton Mjekiqi ndërhyn në përplasjen e ashpër të Eglës me Ilnisën

Magazina
'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj

'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj

Magazina
Pajtohen Heidi dhe Romeo - puthje e përqafime mes çiftit në Big Brother

Pajtohen Heidi dhe Romeo - puthje e përqafime mes çiftit në Big Brother

Magazina
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Magazina
Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Magazina
Kalo në kategori