Shyhrete Behluli e Learta Jakupi i dedikojnë këngë bilbilit të muzikës Nexhmije Pagarusha

Këngëtarja feston përvjetorin e 85-të të lindjes, e cila ka një karrierë të bujshme për tërë këto vite.

Ikona e muzikës shqipe, Nexhmije Pgarusha lindi në fshatin e Pagarushës, në afërsi të qytetit të Malishevës.

Për nder të saj, Shyherete Behluli me nusen e djalit, Leartën kanë publikuar një këngë për këngëtaren tonë të madhe.

“Për ty Nexhmije”, titullohet kënga e këngëtareve, të cilën e ka shoqëruar me një video, ku pjesë e saj është edhe vetë Pagarusha.

Theksojmë se diva jonë karrierën muzikore e filloi si këngëtare në Radio Prishtinë në vitin 1948.

Ajo quhet Bilbili i Kosovës, mbretëresha e muzikës shqiptare, Madam Butterfly dhe disa epitete tjera. ”Baresha” është një ndër kryeveprat e interpretimit të saj, e cila ishte shkruar nga tekstshkruesi Rifat Kukaj.

Lexo po ashtu Mbretëresha e muzikës shqipe, Nexhmije Pagarusha feston ditëlindjen e 85-të

Tani punon si këshilltare e lartë për muzikë në Radio Kosova dhe në Radio Blue Sky, të dyja të vendosura në Prishtinë. Ajo u nderua me çmimin “Nderi i Kombit” nga presidenti shqiptar Bujar Nishani në nëntor 2012. /Telegrafi/