Një vit pasi që familjarët e shtetasve turq, të dëbuar nga Kosova, kanë ngre padi ndaj Qeverisë së Kosovës, ka pasur disa zhvillime të reja lidhur me këtë padi.
Avokati i familjarëve të shtetasve turq, Urim Vokshi, në një intervistë për Telegrafin ka thënë se janë nxjerrë disa vendime gjyqësore në favor të shtetasve turq.
Sipas tij, gjykata ka anuluar disa prej vendimeve për revokimin e leje qëndrimit të shtetasve turq si dhe vendimet për urdhër largimin e tyre.
“Është bërë një vit prej ushtrimit të padive. Me paditë në fjalë janë nxjerrë vendimet me të cilat është atakuar leje qëndrimi i shtetasve turq dhe janë nxjerrë urdhër-largimet me forcë për ta. Ka zhvillime në këtë drejtim, ka disa vendime gjyqësore që janë nxjerrë në këto procedura. Janë vendime të gjitha pozitive dhe në favor të shtetasve turq. Gjykata ka anuluar disa prej vendimeve për revokimin e leje qëndrimit të shtetasve turq, dhe ka revokuar disa prej vendimeve për udhër-largim”, ka thënë ai.
Sipas tij, këto vendime pritet shumë shpejt që t’i vërtetojë edhe Gjykata e Apelit.
“Disa lëndë të tjera janë në procedurë, presim shpejt që edhe Gjykata e Apelit të vertetojë këto vendime dhe të marrin formën e prerë, ashtu që vendimet si të tilla të anulohen në tërësi. Kështu që edhe një herë të konfirmohet se shtetasit turq nuk kanë qenë të rrezikshëm për sigurinë kombëtare të Kosovës”, është shprehur ai.
Vokshi ka theksuar se pas vendimit përfundimtar nga Gjykata e Apelit, shtetasit turq do të kenë të drejt të kthehen tek familjarët e tyre në Kosovë.
“Janë këto vendime, faktikisht urdhër-largimet me forcë, të cilat janë pengesë që ata të kthehen, pra që vënë kufizim në hyrje të territorit të Republikës së Kosovës. Me rastin e vendimit përfundimtar të anulimit të tyre atëherë shtetasit turq do të kenë të drejtë që të hyjnë në territorin e Republikës së Kosovës pa asnjë pengesë. Normalisht, nëse kjo do t’u bëhet e mundur prej shtetit të Turqisë, ku gjenden aktualisht, dhe nëse do të lirohen nga procedurat atje”, ka thënë avokati vokshi, duke shtuar se nuk ka ndonjë datë të caktuar lidhur me kthimin e tyre.
“Nuk ka ndonjë datë të caktuar. Është procedurë pranë Gjykatës së Apelit. Presim që shpejt e njëjta t’i shqyrtojë ankesën dhe përgjigjen e ankesës, të cilën e kemi ushtruar, dhe t’i vërtetojë vendimet e Gjykatës së shkallës së parë”, është shprehur ai.
Vokshi ndër të tjera ka folur edhe për aktakuza, të cilat sipas tij do të duhej t’i bënte Prokuroria.
“Presim që Prokuroria të zhvillojë hetimet dhe të ngre aktakuza ndaj palëve të përfshira në këtë proces, të cilët edhe besojmë fuqishëm, edhe me provat materiale argumentohet se kanë shkelur ligjin e Kosovës. Ata i kanë cenuar të drejtat e njeriut, në këtë rast të shtetasve turq. Por, ende nuk kemi ndonjë aktakuzë. Prokuroria vazhdimisht ka deklaruar se është në hetime lidhur me këtë rast. Mund të konfirmoj se as familjarët e shtetasve turq nuk janë marr në intervistë, si palë të dëmtuara. Por, ne jemi të hapur që pranë prokurorisë në çdo moment t’i prezantojmë provat dhe argumentet të cilat i posedojmë”, ka deklaruar ai.
Ai ka komentuar edhe punën e komisionit hetimor parlamentar lidhur me hetimin e dëbimit të shtetasve turq.
“E kemi parë raportin e Komisionit hetimor parlamentar. Vlerësojmë lartë punën e këtij komisioni. Raporti është mjaft konciz dhe ka konstatuar 31 shkelje ligjore, që janë bërë në këtë proces. Mendojmë që është një mori e shkeljeve dhe vlerësojmë se ka bërë punë të mirë komisioni me këtë. Po ashtu vlerësojmë se ky raport i komisionit mund t’i ndihmojë edhe Prokurorisë gjatë zhvillimit të hetimeve, dhe ndjekjes së procedurës penale ndaj personave të përfshirë”, theksoi ai.
I pyetur për të intervistuarit nga ana e këtij komisionit, Vokshi ka thënë se nuk duan të komentojnë deklaratat e krerëve shtetërorë.
Sipas tij, as familjarët e turqve të dëbuar nuk kanë dashur të merren me persona të caktuar.
“Nuk është në mandatin tonë të komentojmë deklaratat e asnjërit prej krerëve të shtetit. Edhe familjarët nuk kanë dashur të identifikojnë apo të merren me persona të caktuar edhe gjatë ushtrimit të kallëzimit penal. Në këtë drejtim familjarët kanë dashur që shkeljet që janë bërë të evidentohen, dhe personat të dënohen sipas ligjit. Megjithatë nuk është se ata kanë ndonjë identifikim personal me persona të përfshirë, dhe nuk preferojnë të deklarohen lidhur me deklaratat e secilit prej krerëve të shtetit”, ka thënë ai.
Ndërsa, Vokshi ka thënë se përfundimi i këtij rasti pritet që të jenë disa çështje si anulimi i revokimit të leje qëndrimit dhe urdhër-largimit të shtetasve turq, si dhe raporti përfundimtar i komisionit hetimor parlamentar.
“Në këtë drejtim fillimisht pritet që vendimet me të cilat janë anuluar revokimi i leje qëndrimit dhe urdhër largimit të tyre të vërtetohen. Në anën tjetër presim raportin përfundimtar të punës së komisionit hetimor parlamentar, dhe e njëjta të kaloj në Kuvendin e Kosovës për votim. Po ashtu presim që Prokuroria e Kosovës të ngritë aktakuzë ndaj personave të përfshirë, pasi që tani mendojmë se është evidente, dhe gjykata ka konstatuar se ka pasur shkelje. Në anën tjetër edhe komisioni hetimor parlamentar ka gjetur shkelje, kështu që presim aktakuza ndaj ndaj personave të përfshirë”, ka thënë ai.
Kujtojmë se më 29 mars të vitit 2018 janë deportuar nga autoritetet e Kosovës për në Turqi gjashtë shtetas turq./Telegrafi/
Promo
Reklamo këtuLufta Prigozhin - Putin
Më shumëNga Rubrika
Ambasada e SHBA-ve në RMV: Nga nesër do të dalin rezultatet e lotarisë për viza emigrimi
Anëtarësimi i Kosovës në KiE-së, Kosova dhe Zvicra mbajnë takimin konsultativ
Gjilan, një person refuzon të ndalet para policisë – polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe