Nënshkruhet programi për Bujqësi dhe Zhvillim Rural, fermerët do të financohen nga Ministria me 20,5 milionë euro

Zëvendësministri i Ministrisë së Bujqësisë, Pylltarisë dhe Zhvillimit Rural (MBPZHR), Mevludin Krasniqi nëpërmjet një shkrimi të bërë në Facebook, ka njoftuar se është nënshkruar programi për Bujqësi dhe Zhvillim Rural-PBZHR 2019, transmeton Telegrafi.

Dhe që projektet e fermerëve të Republikës së Kosovës do të financohen nga Ministria e Bujqësisë, Pylltarisë dhe Zhvillimit Rural me 20,5 milionë euro.

Krasniqi ka bërë të ditur se fermerët do të kenë kohë të aplikojnë 15 ditë, ndërsa shpallja pritet të hapet  së  shpejti.

Postimi i Mevludin Krasniqit:

#LAJMiMIRË.
#Grante2019.

Është nënshkruar Programi për Bujqësi dhe Zhvillim Rural-PBZHR 2019!

Përmes Granteve Investive 2019, projektet e fermerëve të Republikës së Kosovës, nga Ministria e Bujqësisë, Pylltarisë dhe Zhvillimit Rural (MBPZHR) do të financohen me 20,5 milionë euro!

Veç tjerash, për t’u ofruar sa më shumë mundësi një numri më të madh të fermerëve kosovar, edhe me 3 milionë euro do të mbështeten projektet tjera të fermerëve të vegjël!

Shpallja publike e aplikimit për Grante pritet të ndodh së shpejti (brenda 15 dite)!

Për detaje, të interesuarit mund të kontaktojnë me zyrat e AZHB/MBPZHR, por mund të informohen edhe në publikimet zyrtare që gjenden në:

www.azhb-ks.net dhe
www.mbpzhr-ks.net.

(Në foto, buxheti i ndarë për masa dhe nënmasa). /Telegrafi/