Shqipëri, opozita zgjeron hartën e bllokimit të rrugëve dhe shton kohëzgjatjen e protestës

Zgjerohet harta e bllokimit të rrugëve nga opozita e Shqipërisë për protestën e të enjtes.

Në orën 18.00, opozita i ka bërë thirrje qytetarëve t’i bashkohen përshkallëzimit të protestës për të kërkuar largimin e kryeministrit Edi Rama, si personi përgjegjës, sipas saj, për bashkëpunimin me krimin në blerjen e votës, shkruan Top Channel.

Ndryshe nga e enjtja e kaluar, bllokimi do të shtrihet në të 12 qarqet e vendit. Gjithashtu, protesta nuk do të zgjasë më 1 orë, por do të vazhdojë për 2 orë.

1. Qarku Kukës – Ura e Drinit në hyrje rrugës Kombit.

2. Qarku Shkodër- Rruga Shkodër-Koplik

3. Qarku Lezhe – Mbikalimi Milot

4. Qarku Dibër- Ura ne kryqëzimin Burrel – Rreshen- Klos.

5. Qarku Durrës- Plepa, në hyrje të Autostradës

6. Qarku Tirane- Sheshi Shqiponja

7. Qarku Elbasan – Mbikalimi Bradashesh

8. Qarku Korçe – Hyrja, rruga nacionale e Korçes.

9. Qarku Gjirokastër- kryqëzimi i rrugës Përmet-Tepelene – Gjirokastër .

10. Qarku Fier- Rruga nacionale tek Ura Mbrostar.

11. Qarku Berat ne Ura Vajgurore, aksi Berat – Ura Vajgurore.

12. Qarku Vlore- Hyrja e superstradës Vlore- Levan.