Ministri i Drejtësisë, Abelard Tahiri, i shoqëruar nga Koordinatori Nacional Kundër Ekstremizmit të Dhunshëm dhe Terrorizmit, Fatos Makolli, ka zhvilluar sot një takim me ambasadorë dhe shefa të misioneve diplomatike të vendeve të Bashkimit Evropian, të cilët i ka informuar për riatdhesimin e 110 qytetarëve nga zonat e konfliktit në Siri.
Tahiri ka informuar ambasadorët për masat e ndërmarra nga Qeveria e Republikës së Kosovës, të cilat kanë pamundësuar pjesëmarrjen e kosovarëve në organizatat terroriste, duke folur nga perspektiva e masave ligjore si dhe nga mobilizimi social.
Sipas ministrit Tahiri, ndryshimet e bëra në legjislacionin penal sanksionuan çfarëdo pjesëmarrje në konflikte të huaja të motivuara nga doktrinat radikale si dhe përhapjen, mbështetjen dhe financimin e terrorizmit.
“Trendit të pjesëmarrjes në konflikte të huaja, institucionet dhe shoqëria jonë i kanë dhënë një përgjigje të fuqishme, duke e bërë një ndarje të thellë nga çfarëdo motivimi, mbështetje apo sinergjie për ngjarjen në Siri dhe Irak. Si rezultat e kësaj ndërmarrësie, nga viti 2016, asnjë qytetar i vetëm i Republikës së Kosovës nuk iu është bashkangjitur konflikteve në zhvillim apo grupeve terroriste. Asnjë qytetar s’ka udhëtuar në zonat e konflikteve” ka thënë ministri Tahiri.
Tahiri ka njoftuar ambasadorët e BE-së për rolin e tij në drejtim e Task Forcës për riatdhesimin e shtetasve të Republikës së Kosovës nga zonat e luftës në Siri.
“Si Ministër i Drejtësisë, kisha përgjegjësi ta adresoja edhe pikëpamjen se Republika e Kosovës dhe Kushtetuta jonë nuk mund ta mohojë të drejtën e ekzistencës dhe shtetësisë së qytetarëve tanë që ishin në Siri, veçmas atyre viktimave të mashtrimit, dhe fëmijëve. Në vend të mohimit të ekzistencës së tyre, ne zgjodhëm të marrim pronësi të plotë mbi ta, përmes një vendimi të qartë: kriminelët para drejtësisë dhe viktimat në rehabilitim dhe risocializim” ka thënë Tahiri
Tahiri ka folur edhe për rolin e Republikës së Kosovës në kuadër të Aleancës Globale Kundër ISIS, si një prej vendeve që prijnë në parandalimin dhe luftimin e ekstremizmit të dhunshëm dhe terrorizmit.
“Republika e Kosovës ka vendosmëri të plotë që parandalimi dhe luftimi i ekstremizmit të dhunshëm dhe terrorizmit të mbetet një prej agjendave të rëndësishme për të cilat angazhohet shoqëria jonë dhe institucionet tona. Nuk do të lejojmë në asnjë rrethanë që qytetarët tanë të paraqesin kërcenim për rendin tonë kushtetues dhe për vendet tjera demokratike. Riatdhesimi i qytetarëve tanë nga zonat e konflikti në Siri, dhe shkëputja nga shfrytëzimi i tyre nga organizatat terroriste dhe grupet radikale është një goditje e fuqishme që Republika e Kosovës i ka dhënë terrorizmit” ka theksuar ministri Tahiri. /Telegrafi/
Promo
Reklamo këtuLufta Prigozhin - Putin
Më shumëArratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Serwer ngre pikëpyetje: Çfarë duhet bërë me Asociacionin?
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare