Komuna e Ferizajt dënon me 100 euro qytetarin i cili hodhi baltë skaj hekurudhës

Komuna e Ferizajt ka dënuar me 100 euro një qytetar i cili hodhi baltë përskaj hekurudhës. 

Në njoftimi e bërë thuhet se çdo kush që e ndotë hapësirë do të dënohet. Po ashtu, Komuna ka ftuar qytetarët që të raportojnë në Inspektoratin e Komunës për çdo parregullsi që hasin.

Njoftimi i plotë:

100 euro gjobë qytetarit që hodhi baltë skaj hekurudhës

Politikat e qeverisjes lokale për mbrojtjen e mjedisit janë të pa kompromis në pikëpamje të shqiptimit të dënimeve, gjobave mandatore për ndotësit e mjedisit. Së fundmi, nga raportimi i qytetarit me iniciale H.E tek organi i Inspektoratit të Komunës, për hedhjen e baltës skaj hekurudhës në rrugën “Dëshmorët e Kombit”, u ndërmorën menjëherë veprimet e nevojshme që rezultuan me identifikimin dhe dënimin e kryesit të ndotjes, qytetarit me iniciale E.B i cili duke punuar në hapjen e një pusi, mbeturinat, gjegjësisht baltën e ka hedhur në hapësirën publike skaj hekurudhës, duke shkaktuar kështu ndotje që dënohet me gjobë mandatore në lartësinë 100,00€.

Raste të këtilla janë shembull sesi Inspektorati i Komunës është vigjilent dhe përherë i gatshëm të reagoj në përmbushje të detyrës dhe punës të parapara me legjislacionin në fuqi.

Inkurajohen qytetarët e Ferizajt që të raportojnë raste të tilla në Inspektoratin e Komunës, shembuj të betejës së pa kompromis të qeverisjes lokale në mbrojtjen e mjedisit.

Ferizajasit meritojnë mjedis të pastër, andaj çdokush që ndot hapësirën tonë të përbashkët do të ndëshkohet. /Telegrafi/