Çfarë obligime shtëpiake duhet t’u jepni fëmijëve varësisht nga mosha që kanë

Prindërit shpeshherë kanë tendenca të mendojnë se duke i nxitur fëmijët të bëjnë punë në shtëpi, fëmijët do të humbasin shumë kohë gjatë këtyre viteve të lirisë në jetët e tyre.

Por, psikologët argumentojnë se kur fëmijëve u jepet shansi për të na ndihmuar neve si prindër, ata ndihen sikurse anëtarë të plotë të familjes, mësohen të bëhen të pavarur dhe bëhen të përgjegjshëm, transmeton Telegrafi.

Megjithatë, është e rëndësishme që fëmijëve t’u jepni punë të shtëpisë në bazë të moshës që e kanë.

Për fëmijët 3 vjeç
Mësoni t’i mbledhin vetë lodrat dhe t’i vendosin në kutitë përkatëse. Gjithashtu duhet t’i pastrojnë dhëmbët, t’i ndërrojnë pizhamet me pak ndihmë, etj.

Për fëmijët 4 vjeç
Mësoni t’ju ndihmojnë për ta rregulluar shtratin, t’i pastrojnë pluhurat.

Për fëmijët 5 vjeç
Këta duhet ta bëjnë rregullojnë vet shtratin e fjetjes dhe t’ju ndihmojnë ta pastroni shtëpinë. Por, edhe duhet të mësohen t’i lidhin këpucët.

Për fëmijët 6 vjeç
Këta fëmijë duhet ta pastrojnë me vakuum dyshemenë, t’i ujisin lulet dhe ta hedhin bërllokun.

Fëmijët 7 vjeç
Duhet të jenë në gjendje të hekurosin gjëra të thjeshta, të shkojnë vet në shtrat për të fjetur, etj.

Fëmijët 8-9 vjeç
Duhet ta pastrojnë dyshemenë, t’i palosin rrobat, të pastrohen vetë, etj.

Fëmijët 9-10 vjeç
Duhet të mësohen ta përdorin rrobalarësin dhe tharësin e rrobave. Gjithashtu duhet të jenë të aftë ta kalojnë rrugën vet. /Telegrafi/