Qeveria Maqedonisë së Veriut miraton buxhetin për pjesën e parë të fushatës presidenciale

Në mbledhjen e rregullt të 128-të, Qeveria e Republikës së Maqedonisë mori vendim për miratimin e mjeteve nga Buxheti i Republikës së Maqedonisë së Veriut për vitin 2019 për pjesën e parë të fushatës presidenciale me kërkesë të Komisionit Shtetëror Zgjedhor në vlerë prej 100 milion denarë.

Krahas kësaj, Qeveria e RVM-së, e shqyrtoi dhe miratoi informacionin për mbështetjen e projekteve infrastrukturore financuar nga Programi për përkrahje financiare të zhvillimit rural për vitin 2018, njofton Telegrafi Maqedoni. Programi për mbështetje financiare të zhvillimit rural përfshin projekte për zhvillimin e fshatrave, si dhe projekte për mbrojtjen dhe zhvillimin e vlerave tradicionale në pjesë rurale.

Qeveria e Republikës së Maqedonisë së Veriut shqyrtoi dhe miratoi informacionin për realizimin e projektet “Mbindërtim të objekteve të doganës dhe organeve inspektoriale në vendkalimin kufitar ‘Qafëthanë”, dhe konstatoi se sipas kohës së parashikuar për realizim, kanë përfunduar të gjitha punët ndërtimore, dhe se projekti është realizuar. Ky projekt u financua nga programi IPA dhe nga Buxheti i Republikës së Maqedonisë së Veriut prej 1.48 milion euro./Telegrafi/