Gjyqtarja akordon penallti inekzistente, futbollisti këmbëngul që ta anuloj vendimin: Lojtari i Galatasarayt e huq qëllimisht penalltinë

Një rast i rrallë ka ndodhur në futbollin turk, përkatësisht në grupmoshat e reja.

Një futbollist 13-vjeçar i skuadrës së Galatasarayt ka bërë për vete futbolldashësit me veprimin e tij gjatë ekzekutimit të penaltisë.

Në fakt, Beknaz Almazbekov është rrëzuar brenda zonës së rreptësisë dhe gjyqtarja kryesore ka gjykuar penalti.

👏👏 https://t.co/nq1kY7AHGf

— Gary Lineker (@GaryLineker) March 26, 2019

Por, djaloshi ka këmbëngulur se nuk ishte penalti duke i kërkuar të anulonte vendimin, të cilën gjë nuk pranoi ta bënte gjyqtarja në takimin me Istanbulsporin.

Kapiteni e merr vetë situatën në dorë, ku edhe pse është 13 vjeç, djaloshi e ka ndjenjën e lojës së ndershme dhe e dërgon topin jashtë golit, duke marrë duartrokitjet e lojtarëve kundërshtarë.

Ndryshe, këtë gjest të lojtarit e ka përshëndetur edhe Gary Lineker, i cili e ka shpërndarë videon e djaloshit të “Cim Bom Bom”. /Telegrafi/

🇹🇷 Galatasaray U14s captain Beknaz Almazbekov was awarded a penalty against Istanbulspor.

❌ He believed the penalty was awarded incorrectly…

🥅 …so intentionally missed the penalty to make up for the mistake.

👏 Fair play pic.twitter.com/QxP3cRrWX6

— Elite Football Coaching (@EliteFCAcademy) March 27, 2019