Juncker me “shaka pa shije”, thotë se “nuk ka fjetur shumë për shkak të zonjës May”

Jean Claude Juncker bëri sot një shaka të cilën mediat britanike po e konsiderojnë si “pa shije” rreth kryeministres britanike, Theresa May.

Sipas TheSun, përcjell Telegrafi, shefi i Komisionit Evropian i tha deputetëve se “nuk ka fjetur shumë natën e fundit për shkak të zonjës May”, pasi palët u mbyllën në bisedimet e natës së vonë në Strasburg dje.

Ndryshe, bisedimet më në fund u ndërprenë pak para mesnatës në Francë.

Çifti pastaj vazhdoi të shkonte dhe të bënte një konferencë shtypi për të pritur gazetarët mbi atë që ata do të nënshkruanin.

Juncker paralajmëroi deputetët britanikë se koncesionet ishin “shansi i fundit” i deputetëve për të miratuar një marrëveshje dhe tha se nuk do të kishte ndryshime të mëtejshme.

“Prandaj unë do të doja që deputetët britanikë të mbështesin masat, të cilat janë britanike dhe evropiane dhe që kanë marrë formë në tekstet e dakorduara, një marrëveshje në nivel të BE-së”.

Komentet e Juncker erdhën pasi kryeministrja britanike po lufton me dëshpërim për të shpëtuar marrëveshjen e saj.

Ajo u kthye sot pasdite pas bisedimeve të natës së vonë. “Ju duhet të dëgjoni Jean Claude Juncker!”, citohet të ketë thën ajo me shaka. /Telegrafi/