Nantes dhe Cardiff City arrijnë marrëveshje për pagesën e Salas

Klubi francez Nantes dhe ai britanik Cardiff City thuhet se kanë arritur marrëveshje në lidhje me pagesën e kartonit të sulmuesit të ndjerë Emiliano Sala.

Nates dhe Cardiff kishin arritur marrëveshje për transferimin e sulmuesit argjentinas nga Ligue 1 në Ligën Premier.

Megjithatë, Sala nuk arriti të debutoj pasi përjetoi një fatkeqësi gjatë udhëtimit nga Nantes në Cardiff pasi u zhduk me aeroplanin e tij në Kanalin Anglez.

Lexo po ashtu Nantes e kërcënon me veprimin ligjor Cardiff Cityn për transferimin e Emiliano Salas dhe shumën e 15 milionë funteve

Pas disa javësh kërkime, trupi i argjentinasit u gjend i vdekur nga ekipet moderne në kërkim-shpëtimit.

Por, ‘lufta’ mes dy skuadrave ka vazhduar me Nantesin që ka thënë se do të padis klubi e Ligës Premier për mos kryerjen e pagesës së transferimit.

Tani mediumet në Britani thonë se dy ekipet kanë rënë dakord të vonojnë pagesën e parë të shifrës prej j 15 milionë funtesh për Sala.

Lexo po ashtu Kryetari i Cardiff Cityt, Dalman: Do t'ia paguajmë këstin Nantesit për Salan, por një herë duhet të tregojmë respekt për familjen e tij

Skuadra nga Liga Premier fillimisht duhej të paguante pjesën e parë të asaj shume deri më 20 shkurt, por për shkak të arsyeve të sigurimit ata kanë vendosur të shtyjnë atë datë.

Sipas mediumit The Indenpedent, nëse pagesa nuk do të bëhet në datën e pajtuar, rasti mund të shkojë edhe në Gjykatën e Arbitrazhit për Sport. /Telegrafi/