Stoltenberg: Pres të vazhdoni me reformat

Sekretari i Përgjithshëm i NATO-s, Jens Stoltenberg pret që shteti në periudhën e ardhshme të vazhdojë me reformat dhe shpreson se, pas Greqisë, edhe aleatët tjerë do ta nënshkruajnë protokollin për hyrjen e Maqedonisë në NATO>

‘Pres të vazhdoni me reformat, me modernizimin. Do t’u ndihmojmë, do të bashkëpunojmë, po përsëri, qëllimi është t’u ndihmojmë. Ne do i ndihmojmë Maqedonisë së Veriut të modernizohet, do ta mbrojmë, por edhe ju do të na ndihmoni jneve, me pjesëmarrje në misionin kundër terrorizmit në Afganistan dhe pjesëmarrje në misionin KFOR në Kosovë, ndihmoni për stabilizimin e Ballkanit Perëndimor”, tha Stoltenberg në intervistë për “1TV”, përcjell Telegrafi Maqedoni.

Stoltenberg tha se në Shkup pamë vullnet dhe përkushtim për zbatimin e reformave.

“Për këtë shkak të gjithë aleatët u pajtuan t’ju thërrasim të bëheni anëtar dhe për këtë shkak nënshkruam protokollin. Jam i bindur se edhe aleatët tjerë do ta ratifikojnë në kuvendet e tyre. Por në të njëjtën kohë, duhet të jemi të vëmendshëm dhe të bisedojmë për reformat e mëtutjeshme, si institucionet gjyqësore dhe të sigurisë”, thotë Stoltenberg./Telegrafi/