Apple mund të jetë duke dizajnuar modemin e tyre 5G

Apple mbështetet në furnizues të jashtëm si Qualcomm dhe Intel për modemët e iPhone, por është raportuar prej kohësh se kompania është e interesuar në dizajnimin e modemeve të tyre.

Kjo do t’i mundësonte kompanisë që të reduktojë besimin e saj tek furnizuesit dhe të kursejë para në këtë proces. Disa ndryshime në ekipin e brendshëm në Apple tani sugjerojnë se kompania po kërkon të dizajnojë modemët 5G për iPhone.

Reuters raporton se Apple ka zhvendosur grupin e inxhinierisë së çipeve modem në grupin e teknologjisë harduerike.

Kjo mund të mirret si një tregues se Apple tani është seriozisht në kërkim për të zhvilluar modemet e veta.

Zëvendëspresidenti i lartë i Apple i teknologjive harduerike, Johny Srouji, thuhet se është ngarkuar me projektin e dizajnit modem që nga janari i këtij viti.

Thashethemet e mëparshme kanë sugjeruar se Apple do të zgjedhë një modem Samsung apo MediaTek për iPhone 5G të parë. Pra, asgjë nuk është vendosur ende dhe ne mund të presim të dëgjojmë më shumë rreth planeve të modemit të Apple në të ardhmen. /Telegrafi/