Bajrami kërkon burgim të përjetshëm ndaj të dyshuarve për dhunimin e vajzës në Drenas

Deputetja e Lidhjes Demokratike të Kosovës, Hykmete Bajrami ka kërkuar përgjegjësi nga ministri i Arsimit, i Brendshëm dhe ai i Shëndetësisë, pasi abuzimit seksual të 16 vjeçares në Drenas.

Bajrami ka kërkuar burgim të përjetshëm ndaj të dyshuarve për abuzimin me vajzën e mitur nga Drenasi.

“Kryetari i Drenasit, Ministri i Arsimit, Ministri i Brendshëm, Ministri i Shëndetësisë, Kryeprokurori, Drejtori i Policisë duhet të marrin përgjegjësi për dhunimin e vajzës nga mësuesi dhe polici hetues. Si deputete kërkoj llogari nga secili person e institucion që të zbardhet në tërësi dhunimi i 16 vjeçarës. Secili i përfshirë në këtë dhunim duhet të dënohet me burgim të përjetshëm siç parasheh Kodi Penal”, ka shkruar Bajrami në Facebook, transmeton Telegrafi.

Lexo po ashtu Haradinaj: Jam i tronditur nga abuzimi i policit dhe mësuesit me vajzën e mitur në Drenas

Sipas saj, pasi rasti është raportuar në vitin 2016, ka dështuar Policia, Prokuroria dhe Komuna.

Bajrami gjithashtu ka kërkuar të caktohet një Komision hetimor për ta ndihmuar zbardhjen e kësaj vepre.

“Rasti është raportu në vitin 2016. Pra, ka dështu Policia, Prokuroria dhe Komuna. Kuvendi duhet urgjentisht të caktoj një Komision Hetimor Parlamentar për të ndihmuar zbardhjen në tërësi të kësaj vepre makabre. Vetëm kur të japin të gjithë përgjegjësi, kur dënimi për kriminelë të tillë të jetë maksimal do të ketë një pikë qetësi në secilën familje në Kosovë”, përfundon postimi i Hykmete Bajramit.

Ndryshe për rastin e abuzimit seksual të 16 vjeçares në Drenas, kanë reaguar edhe kryeministri Haradinaj, dhe zyrtarë tjerë të partive politike në vend. /Telegrafi/