Ministria e Shëndetësisë: Miratohet Propozim-ligji për ndërprerje të shtatzënisë

Ministria e Shëndetësisë përgatiti Propozim-ligj për ndërprerje të shtatzënisë i cili sot në mbledhjen e 117-të Qeveria e pranoi, dhe do të dërgohet në Kuvendin e Maqedonisë. Sipas Propozim-ligjit është rritur periudha e vendosjes së gruas për ndërprerje të shtatzënisë nga 12 në 22 muaj, por janë bërë edhe disa ndryshime tjera.

“Me ndryshimet e Propozim-ligjit të ri, realizohet e drejta e gruas për ndërprerje të shtatzënisë dhe heqjen e procedurave administrative të tashme që e zvarritnin zbatimin e procedurës për ndërprerje të shtatzënisë”, thuhet në njoftimin e ministrisë së Shëndetësisë, njofton Telegrafi Maqedoni.

Me Propozim-ligjin e ri, gruas do t’i mundësohen informata të sakta, objektive në lidhje me mënyrën e intervenimit ndërsa vendimin për ndërprerje të shtatzënisë, pacientja do të ketë mundësinë ta sjell në mënyrë të ndërgjegjshme, pa presione nga cili do. Gruaja tashmë nuk do të të pres tri ditë këshilla për ta zbatuar intervenimin dhe nuk do të jetë e detyruar të sqarojë se përse dëshiron ta ndërpresë shtatzëninë dhe se e drejta për ndalimin e shtatzënisë është zgjidhja e vetme e saj.

Propozim-ligji i ri, siç njoftojnë nga ministria e Shëndetësisë, parashikon që ndërprerja e shtatzënisë të mund të bëhet deri në skadimin e javës së shtatëmbëdhjetë me pëlqimin e gruas ndërsa nëse gruaja është e mitur ndërprerja e shtatzënisë mund të bëhet me pëlqimin e prindit, përkatësisht kujdestarit të gruas shtatzënë.

Në procedurën për aprovimin e dhe zbatimin e abortit sigurohet respektimi i dinjitetit të gruas shtatzënë, e drejta e privatësisë, besimi i të dhënave mjekësore personale.

“Para operacionit për ndërprerje të shtatzënisë mjeku është i detyruar ta informojë gruan në lidhje me procedurën për ndërprerjen e shtatzënisë, çfarë mund të pritet gjatë abortit dhe pas mbarimit të procedurës, për metodat e kontracepsionit para dhe pas abortit në mënyrë të kuptueshme që gruaja të mund të sjell vendim dhe të jep jep pëlqim”, njoftojnë nga Ministria e Shëndetësisë.

Me Propozim-ligjin e ri rregullohet procedura për miratimin e abortit pa procedura administrative dhe se do të hiqen të gjitha barrierat e tanishme nga ligji i tanishëm në fuqi.

“Ky ligj parasheh të drejtën e gruas për abort të sigurt, dhe i jepet të drejtë gruas që të vendos për abortimin deri në javën e 22-të, dhe jo si deri tash deri në javën e 12-të. Vendimi për ndërprerje të shtatzënisë është e drejtë e gruas dhe këtë askush nuk mua t’ia marr. Vullneti i gruas është në rend të parë”, thuhet në fund të njoftimit të ministrisë së Shëndetësisë./Telegrafi/