Gjermania dhe Franca janë shprehur kundër taksës së vendosur ndaj produkteve të Serbisë dhe Bosnjë e Hercegovinës nga autoritetet kosovare.
Madje, Gjermania qëndron pranë deklarimeve të mëparshme se është kategorike kundër ndryshimit të kufijve në Ballkan.
Një konkluzion i tillë mund të nxirret nga deklaratat e dy përfaqësuesve të këtyre dy vendeve të fuqishme evropiane, në një intervistë për mediumin serb “Blic.rs”, përcjell Telegrafi.
Gjatë intervistës së përbashkët për mediumin në fjalë, ambasadori gjerman në Beograd, Thomas Schieb dhe ai i Francës në Beograd, Frederic Mondoloni, kanë folur rreth dialogut Kosovë-Serbi, rolit të SHBA-së në dialog, për taksën ndaj produkteve serbe, si dhe për vizitën e presidentit rus, Vladimir Putin në Serbi.
“Pika jonë e parë është shumë e qartë. Franca përsërit mbështetjen e saj të fortë për dialog që të çon në drejtim të BE-së dhe punën e znj. Federica Mogherini dhe na vjen keq për çdo veprim të njëanshëm që e shtyn një kompromis, duke rezultuar në përçarje të besimit reciprok dhe krijon rrezikun e përshkallëzimit. Sipas asaj që BE-ja ka shprehur tashmë, Franca i bën thirrje Kosovës që pa vonesa të mëtejshme të heqë taksat për mallrat nga Serbia dhe Bosnja e Hercegovina, të cilat janë në kundërshtim me frymën e marrëveshjes së CEFTA-s dhe MSA-së të nënshkruar me BE-në”, citohet të ketë thënë ambasadori Mondoloni.
Në po të njëjtën linjë me homologun e tij francez është deklaruar edhe ambasadori gjerman në Beograd.
“Ne jemi dakord me Federica Mogherinin se tarifa e futur nga Kosova paraqet një shkelje të marrëveshjes së CEFTA-s dhe duhet të shfuqizohet. Qeveria gjermane në mënyrë të qartë ka shpallur pozicionin e saj. Ne inkurajojmë të dyja palët që të kthehen në tryezën e bisedimeve dhe të vazhdojnë me dialogun e Brukselit. Qëllimi është një marrëveshje gjithëpërfshirëse ligjore që është kusht për pranimin në BE. Kjo marrëveshje duhet të jetë e qëndrueshme dhe e zbatueshme mbi parimin e multietnicitetit, për të siguruar të drejtat e minoriteteve dhe standardet demokratike dhe për të kontribuar në stabilitetin rajonal. Për këtë arsye ne qëndrojmë në pozicionin tonë për pandryshueshmërinë e kufijve”, ka thënë ambasadori gjerman në Beograd, Thomas Schieb.
Ndërsa sa i përket përfshirjes së SHBA-së direkt në dialog, përkatësisht në arritjen e një marrëveshje ndërmjet Kosovës dhe Serbisë, ambasadori Mondoloni ka thënë se së pari, France u bën thirrje Prishtinës dhe Beogradit që të kthehen në dialog sa më shpejt të jetë e mundur përmbajtur nga veprimet jo konstruktive, deklaratat dhe masave të ngjashme me ato që kemi parë në javët e fundit.
“Pra, ne mendojmë se çdo kontribut që mund të lehtësojë dialogun dhe që mund të çojë në një zgjidhje të pranueshme nga të dy palët është i mirëseardhur. Në këtë kuptim, nëse Shtetet e Bashkuara mendojnë se mund t’i ndihmojnë në mënyrë efektive të dyja palët për të përparuar në dialogun e udhëhequr nga BE, mbështetja e tyre është e mirëpritur”, ka thënë Mondoloni.
Ndryshe, të dy ambasadorët kanë komentuar edhe vizitën e fundit të presidentit të Rusisë, Vladimir Putin në Beograd.
“Mendoj se vizita e presidentit Putin ka treguar vullnetin e autoriteteve serbe për të treguar marrëdhënie pozitive afatgjata midis Serbisë dhe Rusisë. Franca mirëpret këtë marrëdhënie të mirë për aq kohë sa ata nuk janë në kundërshtim me përkushtimin strategjik të Serbisë për t’u bashkuar me BE, duke përfshirë reformat e nevojshme dhe respektin për vlerat dhe normat e Bashkimit Evropian”, ka thënë Mondoloni.
E ambasadori gjerman është përgjigjur shkurt: “Ne mirëpresim faktin se Rusia dhe Serbia kanë marrëdhënie të mira”. /Telegrafi/
Lufta Prigozhin - Putin
Më shumëNga Rubrika
Siguria në komunikacion, Angelovski: Për një vit 250 mijë gjoba, shumica për tejkalim të shpejtësisë
Hapja e urës në Mitrovicë: Për disa “rritje e tensioneve”, për të tjerët “gjë e mençur”
I zhdukur që nga 22 maji, Gëzim Trakaniqi nga Peja gjendet shëndosh e mirë
“Provat mund të na dërgojnë diku tjetër”- Elshani flet për serbin që u arrestua për spiunazh
Musliu: Kryqëzimi i fuqive në Mal të Zi - ndryshimi i kursit dhe arrestimi i Gjukanoviqit
U paralajmërua hapja e urës mbi Ibër, BE tregon procedurat
Analistët: Përplasja mes Kurtit dhe Osmanit dëmton politikën e jashtme të Kosovës
Situata e tensionuar në Shkabaj, shoqërohet në Polici një person
Shkarkohet nënkryetarja e Zveçanit, Natasha Tomaniq
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete