Rruga më e pjerrët në botë ndodhet në Zelandë të Re, por ky rekord pritet t’i takojë një rruge në Wales (Foto)

Ftordd Pen Llech në Harlech të Wales, së shpejti mund të mbajë rekordin, për rrugën për të pjerrët në botë – duke ia marrë titullin një rruge në Zelandë të Re.

Banorët pretendojnë se pjerrtësia e kësaj rruge, shkon deri në 36 shkallë, transmeton Telegrafi.

Po që se parametrat janë realizuar si duhet, atëherë ia tejkalon Baldwin Street që ka 35 shkallë dhe mbanë Rekordin e Ginisit, si rruga më e pjerrët në botë.

Matjet zyrtare tashmë janë bërë dhe banorët në Wales, do të mësojnë brenda tre muajsh, nëse rruga tyre ka hyrë në Librin e Rekordeve të Ginisit.

“Nëse e marrim këtë titull, do të kemi fluks të madh turistësh. Rruga jonë, është vizituar shpesh deri më tani, por kryesisht nga turistët”, ka thënë një banor.

Në Ftordd Pen Llech kanë shkuar shumë çiklist dhe vrapues, që të matin forcat se kush arrin më shpejtë duke kaluar nëpër lartësi.

Karakteristikë e kësaj rruge me 12 shtëpi, është se lokalet ndodhen në pjesën e sipërme, duke i detyruar të gjithë ta përshkojnë shtegun po që se duan të bëjnë blerje. /Telegrafi/