Disa klube të futbollit kosovar vazhdojnë që të përballen me kriza financiare. Më së keqi këto kriza i përjetojnë futbollistët, të cilëve nuk po u paguhet mundi për djersën e derdhur në fushë.
Në këtë edicion të Superpligës klubet si KEK-u e së fundmi edhe Ferizaj edhe zyrtarisht e kanë konfirmuar krizën financiare, KEK-u në stinorin vjeshtor e Ferizaj në ditët e fundit.
Mirëpo, futbollistët tashmë e kanë një shpresë të madhe se me probleme të tilla nuk do të përballen në të ardhmen.
Me hallet e tyre do të merret Shoqata për Mbrojtjen e të Drejtave të Futbollistëve të Kosovës, e cila u krijua në vitin 2017. Më 19 mars të vitit 2018, në praninë e më shumë se 20 kapitenëve të Superligës, të Ligës së Parë dhe të Ligës së Dytë u zgjodhën organet e saj drejtuese, kryetari dhe Bordi i Shoqatës. Kryetar u zgjodh Visar Zogiani, kurse në Bordin e Shoqatës u votuan: Armend Dallku, Alban Dragusha, Behar Maliqi, Liridon Kukaj, Labinot Osmani, Ylber Kastrati dhe Agron Beqiri.
Që nga marsi i vitit 2018 Shoqata mbajti takimet e saj të rregullta. Në këto takime u diskutuan pika të ndryshme, ku ndër më kryesoret ishin: funksionalizimi sa më i shpejtë i Shoqatës me qëllim mbrojtjen e të drejtave të futbollistëve, anëtarësimi në FIFPro, përpilimi i rregullores së brendshme, si dhe votimi i saj, anëtarësimi i futbollistëve në Shoqatë dhe disa projekte afatshkurtra e afatmesme.
Kryetari i Shoqatës, Visar Zogiani, flet në lidhje me të rejat e fundit në një prononcim për gazetën “Zëri”.
“Shoqata është krijuar me qëllim të mbrojtjes së të drejtave të futbollistëve të Kosovës dhe të jemi shumë aktivë në këtë drejtim. Në mbledhjen e fundit të Bordit kemi vendosur që shumë shpejt të mbahet një takim me kapitenët e Superligës, të Ligës së Parë dhe të Ligës së Dytë, si dhe kapitenet e ekipeve të femrave të Superligës ku do të njoftohen me aktivitetet e Shoqatës, për mënyrën e funksionimit dhe të anëtarësimit. Jemi drejt funksionalizimit të plotë dhe besoj se shumë shpejt do të na marrin shumë seriozisht e nuk do të lejojnë që të shkelet mundi dhe djersa e futbollistëve”, ka thënë Visar Zogiani të martën.
Ish-futbollisti kosovar ndër të tjera sqaron se vetë shoqata do t’i mbrojë futbollistët në marrëveshjet që ata i bëjnë me klubet.
“Ne do të tentojmë që marrëveshjet në mes të klubeve dhe futbollistëve t’i respektojmë. Nuk do të pranojmë raste sikurse Besa e Pejës, që i shfrytëzon futbollistët për gjashtë muaj dhe në fund ua dorëzon fletëlëshimet pa i paguar. E kemi edhe rastin e Ferizajt ose edhe disa klube të tjera”, sqaron Visar Zogiani.
Kjo Shoqatë tashmë ka aplikuar edhe në FIFPro (Organizata Botërore për Mbrojtjen e të Drejtave të Futbollistëve).
“FIFPro na është përgjigjur pozitivisht dhe na ka dërguar formularin për aplikim në këtë organizatë. Jemi duke i kompletuar dokumentet e kërkuara nga ta dhe besojmë se së shpejti do të aplikojmë për anëtarësim”, përfundon Visar Zogiani.
Lufta Prigozhin - Putin
Më shumëNga Rubrika
Sa para do të humbiste Barcelona nëse përfundon e treta në La Liga
“Harroje Real Madridin sepse aty nuk je numër një, shko në Arabinë Saudite dhe merr 350 milionë euro” – francezi legjendar këshillon Mbappen
Mësohet emri i gjigantit anglez që e do Thomas Tuchelin si trajner
Kërkesa e çuditshme e Tuchel për lojtarët e Bayernit para derbit në Bernabeu
Gjyqtari italian, Orsato nuk mundi t’i ndalë lotët pas ndeshjes PSG-Dortmund
Real Madridi fton legjendën e Bayernit në ndeshjen e Ligës së Kampionëve, pasi Bavarezët e përbuzën ish-yllin e tyre
Inteligjenca Artificiale parashikon fituesit e Ligës së Kampionëve për vitet e ardhshme – Arsenali nuk e fiton kurrë
Bellingham u pyet se kush është lojtari më i mirë me të cilin ka luajtur, ai zgjedh dy
Barcelona është e hapur për oferta për të gjithë skuadrën – përveç pesë lojtarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?