Nëna pinë pilulë kundër dhimbjeve, rrëzohet në dysheme pavetëdije – e bija dyvjeçare ia merr telefonin dhe kërkon ndihmë (Video)  

Jasmine Pounsberry, 24-vjeçe, kishte pirë tabletë kundër dhimbjeve, pasi kishte pasur infeksion në vesh. Megjithatë, tableta me sa duket kishte pasur efekte anësore tek ajo, pasi u rrëzua në dysheme dhe përplasi kokën në mur.

Në ato momente Jamine ishte në shtëpi me të bijën Esmma, 2-vjeçe. E derisa po qëndronte e shtrirë pavetëdije, vajza e saj e vogël ia kishte marrë nënës telefonin nga dora dhe kishte kërkuar ndihmë, transmeton Telegrafi.

Ajo kishte arritur ta gjej numrin e shoqes së ngushtë të nënës, Jess Desent, 23-vjeçe, të cilën e kishte njohur përmes fotografisë. I kishte thënë se nëna e saj po fle në dysheme dhe se kishte goditur shumë kokën.

Me të kuptuar për çfarë po bëhej fjalë, Jess kishte telefonuar ndihmën e shpejtë dhe kishte vazhduar bisedën telefonike me vogëlushen për më shumë se shtatë minuta, dhe me qetësinë më të madhe i kishte folur se si duhet të kujdeset për të ëmën derisa të vjen ndihma e shpejtë.

Gjithashtu ia kishte shpjeguar se edhe pse e ëma e kishte mësuar se nuk duhet t’ia hapë derën të panjohurve, kësaj radhe ajo ishte urdhëruar që ta bëjë një gjë të tillë, pasi ata persona do ta ndihmonin nënën që të shërohet.

https://www.youtube.com/watch?v=ndHRTU6zwuE

Gjatë kohës që Jess po i telefononte autoambulancës, vogëlushja e kishte mbuluar nënën me batanije duke menduar se e kishte të ftohtë.

“Ajo është heroina ime. Ende nuk po mund të besoj se ka vepruar ashtu”, ka deklaruar e ëma e saj e cila pas tretmanit në spital është këndellur. /Telegrafi/