Brazilianët i shpëton aplikacioni nga plumbi, fillimisht kontrollojnë ku ka të shtëna – pastaj dalin nga shtëpia (Video)

“Pika e kuqe në hartë do të thotë të shtëna, kështu që përmes këtij sinjali mundohem ta shmangi atë zonë”, thotë Leonardo Duarte, që punon në terren për klinikën e rehabilitimit në Rio de Janeiro.

Të shtënat dhe dhuna janë të zakonshme në zonën Vigario Zeral, zonë e varfër ku mbizotërojnë narko-bandat. Për të shmangur rrezikun, Duarte ka një strategji: “kurrë mos dilni pa i kontrolluar të dhënat në telefon që tregojnë zonat ku ka krim”, transmeton Telegrafi.

Numri i banorëve të Rios është duke u rritur dita ditës si dhe parapaguesit e ueb-faqeve të ndryshme si Basta de Violence dhe Realidade do Rio de Janeiro, që përcjellin aktivitetet kriminale që ndodhin në zona të caktuara.

Këto dy burime të informacioneve në kohë reale ofrojnë informata për të gjitha aktivitetet e dhunshme. Duarte thotë se azhuron lajme dhe i shpërndanë nëpër grupe në rast se vjen deri te ndonjë përleshje.

“Informacionet i shpërndajë nëse shoh diçka të dyshimtë”, ka shtuar ai.

Informacionet për të shtënat Duarte i merr nga aplikacioni “Onde Tem Tiroteio mobile” (OTT apo ja ku ka të shtëna), që dërgon sinjal që paralajmëron për aktivitete kriminale në Rio de Janeiro.

Njëri nga themeluesit e aplikacionit Denis Koli, ka deklaruar se ai dhe miqtë e tij azhurojnë aplikacionin që çdo ditë paralajmëron miliona banorë nga 80 deri në 100 herë, për aktivitetet kriminale që ndodhin në zona të caktuara.

Kështu ata i shpërndajnë këto informacione nëpërmjet Facebook, Tëitter, Instagram, WhatsApp dhe Telegram. OTT shmang informatat zyrtare të organeve të sigurisë. Kështu në vend të tyre ai bazohet në numrin e të shtënave dhe analizon raportet anonime të shpërndara nga dymijë persona në WhatsApp që OTT i konsideron si të besueshëm.

Katër themeluesit e aplikacionit, kishin qenë viktima të sulmeve brutale para se të vetëfinanconin projektin që ndihmon dhe shpëton mijëra jetë njerëzish në ditë. Në vitin 2015, Kolit ia kishin drejtuar revolen duke e detyruar të ndalë veturën që ia vodhën për ta përdorur për kontrabandim të drogës. Dy vite pasi që lansoi aplikacionin, ai pranon se frikësohet edhe më shumë, por shtoi se të dhënat e aplikacionit i ndihmojnë të shmangë zonat problematike. Një aplikacion i ngjashëm është edhe Fogo Kruzado që është themeluar nga Amnesty International.

Derisa Jakira da Konkeicao shikon telefonin e mençur, dëgjohet audio incizimi që e paralajmëron si dhe shfaqen fotografitë në WhatsApp. Ajo urren të shikoj trupat e pajetë të anëtarëve të bandave, por thotë se e ka të vështirë ta shmang një gjë të tillë.

Kur muaj më parë shpërtheu lufta mes narko-bandave në një park në afërsi të shtëpisë së saj, ku edhe iu vë flaka katër autobusëve, ajo ishte dëshmitare e kësaj ngjarje të tmerrshme të cilën e transmetoi live në Facebook. /Telegrafi/