Ish-agjenti i Icardit, Moreno: Wanda ka ndikim të keq te lojtari, ajo mendon vetëm për paratë

Ish-agjenti i Mauro Icardit pretendon se Wanda Nara ka ‘një ndikim të keq’ në sulmuesin e Interit dhe ‘kujdeset vetëm për para’.

Tensionet duket se po rriten midis Interit dhe Wandas, me nerazzurët që kundërshtojnë një pretendim të bërë nga agjenti i gruas së Icardit, që ata u përpoqën ta shesin argjentinasin te Juventusi dhe ende nuk i kanë ofruar një kontratë të re.

“Icardi ka dhënë shumë në fushë si sulmues”, tha Ablan Moreno për Radio Sportiva.

“Megjithatë, ai ndikohet keq nga ajo, e cila mendon vetëm për para. Puna e tij në fushë është fenomenale dhe është rritur shumë në futbollin italian”.

“Mentaliteti dhe trupi i tij janë të përkryer për Serie A, por Wanda Nara kujdeset vetëm për paratë dhe jo imazhin dhe vlerën e tij si kapiteni i Interit”.

Lexo po ashtu Wanda Nara: Interi dëshiroi ta shiste Icardin te Juve, më vjen të qeshi kur dëgjoj se Icardi nuk është në shitje

“Çdo agjent mund të flasë për një rinovim, por mënyra se si e bëni këtë është shumë e rëndësishme. Ju nuk mund të thoni vetëm ‘këto janë numrat e Icardi’ dhe të vendosni gjithçka në mediat sociale. Ata duhet të shkojnë në Inter dhe të flasin në vend që të vënë gjithçka në internet”, tha ish-agjenti i lojtarit.

Ndryshe, Icardi tash e sa kohë po raportohet se do të mund të transferohet te skuadra e Real Madridit. /Telegrafi/

Lexo po ashtu Ausilio i kundërpërgjigjet Wandas: Interi i ka bërë ofertë për rinovim Icardit para dy muajsh, por ai nuk e ka nënshkruar