Kryetari i Kuvendit të Kosovës, Kadri Veseli ka thënë se është i bindur që presidenti i Shteteve të Bashkuara të Amerikës (SHBA), Donald Trump do të jetë kurorëzues i ulëses së Kosovës në Organizatën e Kombeve të Bashkuara (OKB) në Këshillin e Sigurimit.
Veseli këtë deklaratë e bëri në një konferencë për media, ku tha se presidenti Trump në letrën dërguar presidentit të vendit, Hashim Thaçi i ka bërë nder Kosovës.
Ai theksoi se Kosova duhet të jetë falënderuese Shteteve të Bashkuara të Amerikës (SHBA).
“Presidenti Trump i ka bërë nder Kosovës. Për atë arsye duhet të jemi falënderues. Trump do të jetë kurorëzues i ulëses së Kosovës në Këshill të Sigurimit të OKB-së”, potencoi Veseli.
Ndryshe, presidenti i SHBA-së, Donald Trump i ka dërguar një letër presidentit të Kosovës, Hashim Thaçi, ku ka kërkuar nga liderët në Kosovë që të shfrytëzojnë këtë moment të cilin ai e ka quajtur unik, të flasin me një zë dhe të arrijnë një marrëveshje gjithëpërfshirëse me Serbinë.
Në këtë drejtim, ndër tjerash Trump, i ka shkruar presidentit Thaçi se SHBA-të janë të gatshme që të ndihmojnë në përpjekjet për të arritur një marrëveshje, e cila reflekton në mënyrë të balancuar interesat e Kosovës dhe të Serbisë.
Në anën tjetër Presidenti i vendit, Hashim Thaçi në letrën kthyese ndaj Presidentit Trump ka thënë se liria dhe pavarësia e Kosovës, janë rezultat i luftës sonë të drejtë dhe përkrahjes së aleatëve tanë strategjikë ndërkombëtarë.
Sipas tij, Kosova është e bekuar që gëzon mbështetjen e palëkundur të SHBA-ve dhe të popullit amerikan, ku bashkëpunimi dhe miqësia jonë është e përhershme dhe reciproke.
Veseli në këtë konferencë për media ka folur edhe për qëndrimin e shefes së politikës së jashtme të BE-së. Ai tha se Mogherini ka kryer një punë të shkëlqyer në procesin e liberalizimit të vizave.
Sipas tij, fushata që po zhvillohet kundër Mogherinit në Kosovë nuk duhet të bëhet pasi siç tha ai, qëndrimi i saj është shumë pozitiv për liberalizimin e vizave për qytetarët e Republikës së Kosovës.
“Federica Mogherini ka kryer një punë të shkëlqyer për çështjen e liberalizimit të vizave dhe është një nga përkrahëset më të mëdha. Po e shoh një fushatë që po zhvillohet për Mogherinin për liberalizimin e vizave, por nuk është ashtu pasi Mogherini ka një qëndrim shumë pozitiv për liberalizimin e vizave”, ka thënë ai.
E sa i përket ekipit negociator për dialog, Veseli tha se partitë politike opozitare e kanë obligim kushtetues të jenë pjesë e këtij procesi.
“Bartësit e institucioneve e kanë obligim kushtetues të jenë pjesë e këtij procesi. Kjo është përgjegjësi e partive politike që duhet të kenë e jo të bëjnë luftë për pushtet. Të gjithë duhet të jemi bashkë, dhe shoqëria civile. Nuk ka dialog i cili mund ta nxjerr Kosovën nga binarët e shtetësisë së vet. Serbia duhet të na njoh dhe do të na njohë”, ka thënë ndër të tjera Veseli. /Telegrafi/
Promo
Reklamo këtuLufta Prigozhin - Putin
Më shumëZyrtare: Kosova aktualisht nuk është në agjendën e mbledhjes së Komitetit të Ministrave të Këshillit të Evropës
Zbulohet receta e dhënë nga mjeku neuropsikiatër për nënën që u vetëvra me 3 fëmijët në lumin Buna
Deputeti i PDK akuzon ministrin Sveçla: Ka ndërmarrë veprime në veri pa e pyetur fare drejtorin e Policisë
Pas Danimarkës edhe Austria planifikon marrëveshje që të burgosurit të vuajnë dënimin në Kosovë
Hakerët rusë sulmojnë faqet e institucioneve, Gërvalla: Rusia po kryen sulm hibrid ndaj Kosovës
Policia e Kosovës gjen kamera në rrugët malore në kufirin Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'