Arsenali fiton me vështirësi ndaj Huddersfieldit, Torreira shënon me gërshërë

Arsenali ka fituar me vështirësi minimalisht 1-0 ndaj Huddersfield Town në ndeshjen e vlefshme për javën e 16-të të Ligës Premier.  

Pjesa e parë e ndeshjes u karakterizua me lojë më të mirë të Arsenalit, por edhe me lojë të ashpër nga të dyja skuadrat që morën nga tre kartonë të verdhë.

Në këta 45 minuta u ndëshkuan me të verdhë edhe dyshja shqiptare, Granit Xhaka dhe Shkodran Mustafi.

Në pjesën e dytë, Unai Emery vendosi të përforcojë edhe më shumë sulmin pasi skuadra nuk po ishte konkrete në vijën e sulmit dhe kështu arriti të shënoj golin.

Në minutën e 66-të, Mustafi pësoi një lëndim dhe u detyrua ta lëshoj fushën duke u zëvendësuar nga Nacho Monreal.

Pas disa rasteve të krijuara, goli erdhi në minutën e 83-të të ndeshjes nga mesfushori uruguaian, Lucas Torreira.

Torreira shënoi gol të bukur me gërshërë për 1-0 pas asistimit të Pierre-Emerick Aubemayang dhe ky doli të jetë rezultati përfundimtar i ndeshjes.

Signing of the season. Lucas Torreira again 🔥🔥🔥🔥🔥 #AFC #COYG pic.twitter.com/cP6MTMwJty

— Gunners.com (@Gunnersc0m) December 8, 2018

Pas kësaj fitore, Arsenali ngjitet në vendin e tretë me 34 pikë, ndërsa Huddersfieldi renditet i 18-ti me 10 pikë.

Në ndeshjen e radhës, Topçinjtë udhëtojnë te Southamptoni, ndërsa Huddersfieldi e pret Newcastlen. /Telegrafi/