Shtoni peshë nga ushtrimet fizike: Këto janë simptomat të cilat tregojnë që po ushtroni shumë

Të përmbajturit është rregull i artë i ndjenjës së mirë, ka të bëjë edhe me aktivitetet fizike, transmeton Telegrafi.

Para se të vazhdoni të stërvitni, shtroni pyetje vetes në mos po e teproni me ushtrimet.

Është e njohur që aktiviteti fizik përshpejton metabolizmin. Mirëpo, a ndikon kjo kështu te të gjithë?

Nutricionistja holistike amerikane dhe autore e një sërë librash The Plan, Lyn-Genet Recitas, të cilat ofrojnë metoda të humbjes së tepricës së kilogramëve dhe përmirësimin e shëndetit, konstaton që trupi mund t’i pranojë ushtrimet e tepërta fizike si stres, prandaj fillon të tajitë një sërë hormonesh, të cilat, në fund, ngadalësojnë metabolizmin.

Mirëpo, çështja është se çfarë i paraqet dikujt aktiviteti i tepërt fizik.

Duke pasur parasysh që të gjithë jemi të ndryshëm, nuk ekziston përgjigje universale për të gjithë, shkruan nutriciostistja.

Këto janë disa nga shenjat që tregojnë se jeni rraskapitur: lodhja, irritimi, apetiti i shtuar pas stërvitjes, aknet, ndryshimi i humorit, lëndimet dhe rënia e shtuar e flokëve.

Nëse i vëreni simptomat e këtilla, nutricionistja këshillon që të zvogëloni stërvitjet javore apo të ndryshoni tipin e ushtrimeve fizike.

“Mos e mundoni veten dhe kërkoni se çfarë ju përshtatet më së shumti edhe ajo që është më e rëndësishmja – gjeni aktivitetin i cili është argëtues, merruni me atë që pasuron shpirtin tuaj”, përfundon Lyn-Genet Recitas. /Telegrafi/