Kush është e fejuara e Wilder, Telli Swift – e kaluara e saj, fama dhe fëmijët

Deontay Wilder nuk është i famshmi i vetëm në familje.E fejuara e tij, Telli Swift, është një yll televiziv dhe shpesh takohet me personalitete të pasura dhe të njohura pranë ringut.

‘Bomberi i bronztë’, i cili është nga Tuscaloosa, Alabama, u ka qëndruar besnik rrënjëve të tij duke u stërvitur në një palestër lokale, që do të thotë se është i afërt me familjen edhe gjatë periudhave intensive stërvitore.

https://www.instagram.com/p/BqlMQ5hFx6z/

Ai vazhdimisht ka folur se familja e tij është frymëzim gjatë dueleve në kategorinë e peshave të rënda.

Kush është Telli Swift

Ajo ka lindur në Filipine më 24 janar 1987. Është vajza e Vivian Crawford dhe Reginald Swift, ndërsa ka një vëlla të quajtur Reginald Jr.

Telli është rritur në Japoni dhe më pas është zhvendosur në Kaliforni. Emri i saj i vërtetë është Shuntel, por kur u bë e njohur e mori emrin artistik, Telli. Që si fëmijë është paraqitur në rolin e modeles, ndërsa duke u rritur, me mbështetjen e nënës, ka marrë pjesë në gara të shumta bukurie.

Për çfarë është e njohur

Pos si modele, Telli ka punuar edhe si infermierë në kirurgjinë plastike në Beverley Hills, si edhe në njësinë traumatike. Së fundmi, ajo ka qenë pjesë e serialit real televiziv, “WAGS Atlanta”, që është transmetuar në E! në Shtetet e Bashkuara të Amerikës.

Ajo njëherësh e ka edhe një faqe në internet ku publikon receta për ushqime të ndryshme duke i përfshirë edhe ato tradicionale të Filipineve. Për më shumë, bukuroshja ka edhe një blog personal.

Lexo po ashtu Lajmet për Deontay Wilder

Takimi me Deontay Wilder

Modelja u takua me Wilder në vitin 2015 në aeroportin e Los Angelesit dhe ata nisën të dilnin bashkë menjëherë pas.

Në vitin e kaluar, çifti njoftoi se ishte në pritje të fëmijës dhe organizuan një ndejë për të treguar gjininë. Në një prej episodeve të serialit “WAGS Atlanta”, Wilder u paraqit me një unazë fejese dhe i kërkoi të dashurës së tij të martohej me të.

“E dua këtë femër. Ma ka marrë zemrën. Është shpirti im, shoqja ime më e mirë”, tha boksieri me këtë rast.

Çifti akoma nuk i ka bërë publike planet për martesë.

Fëmijët e Telli Swift

https://www.instagram.com/p/BqiUjiFFfPv/

Ajo ka një djalë me emrin Kerron nga një lidhje e mëparshme. Ai ka lindur në vitin 2007.

Në shkurt të këtij viti, 31-vjeçarja dhe Deontay pritën në jetë vajzën Kaorii Lee Wilder.

“Është një shpirt i mrekullueshëm. Betohem se të kesh një fëmijë është sikur të biesh sërish në dashuri! Ndjenja është mbi atë që mund të thonë fjalët!”, kishte shkruar modelja në blogun e saj kur e solli në jetë Kaoriin.

Fëmijët tjerë të Wilder

Kampioni i botës në kategorinë e peshave të rënda ka qenë i martuar me Jessica Scales-Wilder, mirëpo lidhja e tyre tetëvjeçare përfundoi në vitin 2017.

Ata kanë katër fëmijë bashkë, ndërsa vajza e tyre e madhe, Naieya, është arsyeja pse Wilder u bë boksier. Ai e la shkollën dhe punoi dy punë kur ajo u diagnostikua me spina bifida. Deontay nisi të merrej me boks dhe pjesa tjetër është histori.

Fëmijët tjetër të tyre janë Ava, Deontay Jr dhe Dereon. /Telegrafi/