Një mal i famshëm ndërmjet Austrisë dhe Gjermanisë mund të shembet i tëri (Foto/Video)

Është një nga malet më të famshme në Alpet Allgäu – dhe së shpejti mund të jetë një histori.

Sipas ekspertëve, shkruajnë mediat e huaja, përcjell Telegrafi, maja e Hochvogel së shpejti do të shembet dhe deri në 260,000 metra kub të shkëmbit mund të bien në luginë.

Megjithatë, skenari i mundshëm nuk po trondit vendasit: Sipas autoriteteve, nuk ka kërcënim të veçantë për popullsinë pranë malit.

Për vite me radhë, një çarje e madhe në kufirin midis Bavarisë dhe Tirolit po rritet dhe rëniet e para të shkëmbinjve kanë ndodhur.

Kështu, studiuesit përdorin sensorë për të monitoruar lëvizjen e masivit në mënyrë që të jenë në gjendje të parashikojnë rrënimin e madh.

Ndërtesa e vetme pranë Hochvogel është Prinz-Luitpold-Haus, një strehë pothuajse 140 vjeçare e Klubit Alpin Gjerman.

Por është shumë larg që vështirë se mund të ndodhë gjë me të, thotë Andreas Kaenders i Zyrës së Qarkut Oberallgäu.

Nuk ka zonë të ndërtuar në anën austriake, thotë Thomas Figl nga shoqata Landesgeologie tiroliane.

“Në qoftë se ekziston rrënimi i madh, do të ketë një re të pluhurit në komunitetin Hinterhornbach varësisht nga era, por zona nuk është e kërcënuar”, thotë ai.

Fshati është më shumë se dy kilometra larg nga mali.

Lëvizjet e shkëmbinjve në Hoçvogel monitorohen nga hulumtuesit. Sipas tyre, plasaritja është 40 metra e gjatë, 8 metra e thellë dhe 3 metra e gjerë.

Në zonën Zugspitze si dhe në dy rajone të tjera në Austri dhe Itali, kërcënimi i rajoneve malore po monitorohet gjithashtu nga fluturimet e avionëve dhe teknologjia e matjes.

Është e vështirë të vlerësohet nëse shkëmbinjtë do të vazhdojnë copa për copë ose nëse “bang madhe” do të ndodhë papritmas. /Telegrafi/