Tërheqja e Bankës Botërore nga mbështetja për ndërtimin e termocentralit “Kosova e Re” ka krijuar një situatë te re në tregun e Kosovës, thonë ekspertë për çështje ekonomike. Megjithatë, ata e shohin në mënyra të ndryshme çështjen e ndikimit të vendimit të Bankës Botërore në dekurajimin eventual të investitorëve të huaj.
Banka Botërore ka njoftuar javën e kaluar se nuk do ta mbështesë Termocentralin “Kosova e Re”, të ndërtuar me thëngjill, mirëpo zyrtarë të kompanisë “Contour Global” dhe Qeveria e Kosovës kanë thënë se ky termocentral do të ndërtohet edhe pa mbështetjen e Bankës Botërore.
Muhamet Mustafa, këshilltar i lartë në Institutin Riinvest, në një bisedë për Radion Evropa e Lirë, thotë se tërheqja e Bankës Botërore nga projekti “Kosova e Re “ është e befasishme në këtë fazë, dhe kjo, sipas tij, mund të ketë efekte negative tek investitorët e jashtëm.
Një nga ndikimet që mund të ketë mungesa e përkrahjes financiare nga Banka Botërore për kompaninë fituese, sipas Mustafës, është mundësia e rritjes së çmimit të energjisë elektrike, pasi kompania fituese duhet të gjejë alternativa tjera për financim me norma më të larta të interesit.
Rritja e çmimit të energjisë, nënvizon ai, do të mund të ndikonte në zhvillimin e veprimtarisë së bizneseve qoftë vendore apo ndërkombëtare.
“Tërheqja e Bankës Botërore do të hap çështje tjera, të cilat do të diskutohen. Por, se a do të ndikojë negativisht tek investitorët tjerë, sigurisht se tërheqja nuk është rrethanë pozitive, por më tepër do të ndikojë tërheqja e investimeve biznesore sesa e tërheqja e Bankës Botërore. Ndikimi te investitorët nuk mund të injorohet”, tha Mustafa.
Në anën tjetër, Lekë Musa ekspert i ekonomisë, tha se tërheqja e Bankës Botërore nga mbështetja për termocentralin “Kosova e Re” nuk duhet të ketë ndikim tek investitorët e huaj, pasi sipas tij, tërheqja ka ndodhur për arsye të vetë bankës dhe jo kompanisë fituese apo Qeverisë se Kosovës.
I tërë projekti, por edhe zvarritja e fillimit të ndërtimit, thekson Musa, është realizuar sipas kërkesave të Bankës Botërore.
“Nuk do të ketë ndikim, pasi tërheqja e Bankës Botërore nuk është bërë për ndonjë arsye të klimës së biznesit në Kosovë apo aferave korruptive e çështje tjera të ndryshme, por tërheqja është për shkak të strategjisë se Bankës Botërore që mos të hyjë në projekte që shfrytëzimin e thëngjillit e kanë si lëndë djegëse”, tha Musa.
Investimet e huaja direkte vazhdimisht vlerësohen si të domosdoshme për zhvillimin ekonomik të Kosovës, por këto investime kanë shënuar rënie përgjatë viteve të fundit.
Në vitin 2008, investimet e huaja ishin 355 milionë euro, vitin e kaluar, sipas Bankës Qendrore të Kosovës, investimet e huaja ishin rreth 290 milionë apo 30 për qind më shumë se në vitin 2016. Kurse, në periudhën janar-maj të këtij viti, vlera e investimeve të realizuara është 76 milionë euro ose 34 për qind më pak krahasuar me periudhën e njëjtë të vitit 2017. /Rel/Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: MCC-ja po luan rol transformues, duke sjellë përfitime të rëndësishme për ekonominë e Kosovës
Vlerësimin kreditor BB nga Fitch Ratings – Power tregon çka përfton Kosova
Bajrami komenton raportin e shpenzimeve të Qeverisë Kurti : 128 milionë euro më pak investime kapitale
Kurrë s’e ke pas ma lehtë se me Telegrafi Jobs me gjetë punë!
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Osmani: MCC-ja po luan rol transformues, duke sjellë përfitime të rëndësishme për ekonominë e Kosovës
A jeni gati për mbrëmjen e Maturës?
Qysh bohet kerri i vogël, kerr i ri!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'