Tenori Ramë Lahaj pas takimit me Tony Blair: Faleminderit nga zemra për gjithçka që keni bërë për çlirimin e Kosovës

Tenori i njohur kosovar, Ramë Lahaj, vazhdon të jetë një emër i suksesshëm në fushën e operës.

Ai është cilësuar madje edhe si si ylli i ri i Operas nga Placido Domingo.

Së fundmi, tenori nga Istogu ka mbajtur një nga koncertet më të veçanta të karrierës së tij, duke pasur rastin të performojë para shumë personaliteteve botërore.

Ai madje është takuar dhe fotografuar me politikanin e njohur anglez, Tony Blair, i cili ka kontribuuar shumë për Pavarësinë e Kosovës.

Pas takimit, Ramë Lahaj ka publikuar disa fotografi në Facebook, ku shfaqej krah Tony Blair, e ndërsa shkruante në mbishkrimin e tyre, një falënderim të veçantë për politikanin.

Lexo po ashtu Të gjitha lajmet nga Estrada Shqiptare

“Koncert i veçantë me yjet ruse, Vladimir Spivakov dhe Hibla Gerzmava mbrëmë në Palazzo Vecchio të Firencës”, shkruan Lahaj.

“Por magjia e natës ishte prania e politikanit të shquar anglez dhe heroit të vendit tim, Tony Blair. I dashur Tony Blair në emrin tim dhe të gjithë kosovarëve të faleminderit nga zemra për gjithçka që keni bërë për çlirimin e Kosovës”, ka përfunduar ai. /Telegrafi/