Te shfaqja e ngushëllimeve gjithmonë është me rëndësi që të viheni në pozitën e personit të pikëlluar.
Lexoni se si është bontoni i shprehjes së ngushëllimeve në situata të tilla, transmeton Telegrafi.
Me rastin e shprehjes së ngushëllimeve gjithmonë frikohemi që të mos themi diçka të pamatur apo me shprehjen tonë të mos i lëndojmë të pikëlluarit.
Mënyra më e mirë me të cilën mund të shfaqni ngushëllime është që personit të pikëlluar t’i ofroni bashkëndjenjën dhe brengosjen tuaj, qëndroni pranë tij dhe ofroni ndihmën tuaj dhe i tregoni që brengoseni për të.
Bontoni i ngushëllimeve gjithashtu urdhëron që ngushëllimet t’i shprehni gojarisht ose me shkrim, por jo nëpërmjet rrjeteve shoqërore dhe porosive SMS.
A ekziston kultura e duhur gjuhësore ndër ne në një rast të tillë? Shpesh vdekja e njerëzve të dashur na lë pa fjalë. Ajo e bën shumë të vështirë gjetjen e fjalëve të duhura për gjithë çka shpirti ndjen.
Ndonjëherë njerëzit dinë të thonë diçka që atyre në atë moment u duket e arsyeshme, mirëpo në esencë nuk është ashtu. Keni parasysh që personi i pikëlluar në atë moment ndihet shumë emocional, andaj deklarimin mund ta kuptojë ndryshe nga ajo që ju keni dashur ta interpretoni.
Mënyra e dëshiruar e shprehjes së ngushëllimeve:
“Më vjen keq për humbjen tuaj” – kjo është shprehja më e shpeshtë dhe më e përshtatshme, sepse personit i bëni me dije që edhe juve ju vjen keq, edhe pse jo në masën e njëjtë, që personi i vdekur më nuk ekziston.
“Ishte person i mrekullueshëm” – këtu mund edhe të ndani ndonjë kujtim të bukur të cilin e keni për të ndjerin.
“Do të na mungojë” – me këtë shprehje i tregoni personit të pikëlluar që nuk është i vetëm në pikëllimin e vet.
Bontoni i shprehjes së ngushëllimeve – deklarimet e padëshiruara:
Mos e mohoni vdekjen e të ndjerit – personit të pikëlluar i nevojitet një periudhë e pikëllimit dhe ballafaqimi me të vërtetën, në mënyrë që më vonë ta ketë më lehtë.
Mos mohoni vuajtjen e personit të pikëlluar – vdekja është jashtëzakonisht e rëndë dhe e dhimbshme për secilin.
“Tani është në vendin më të mirë” ose “Së paku nuk ka vuajtur” – edhe pse personi i vdekur ka vuajtur nga sëmundja e rëndë, të pikëlluarit vdekja kurrë nuk do t’i tingëllojë si opsioni më i mirë.
“Si je” ose “Si po mbahesh?” – që më parë e dini që personi është në pikëllim të madh, andaj kjo pyetje vërtet është e panevojshme.
“Nuk e di se si do ta kisha përballuar që (dikush) imi të vdiste” – kështu vetëm sa do t’i shkaktoni pikëllim edhe më të madh personit të pikëlluar, sepse ia përkujtoni humbjen e tij.
“Mos u brengosni, së shpejti do të ndihesh mirë” – kjo është e vërtetë, mirëpo lejoni personin të jetë i pikëlluar.
Përdorimi i shprehjeve të tilla si: “Jeta vazhdon”, jo vetëm që është i papranueshëm për personat që mbajnë zi, por as nuk e ndihmon lehtësimin e pikëllimit, aq më pak i ngushëllon ata. /Telegrafi/
Promo
Reklamo këtuLufta Prigozhin - Putin
Më shumëTest i inteligjencës me tetë pyetje, të cilat vetëm më të mençurit i dinë
Zbulohen qytetet me erën më të mirë në Evropë. I pari është ndër më të vjetrit në botë
Një gabim që e bën gjithmonë sa herë lan rrobat e bardha
Peshorja: Horoskopi vjetor për 2024
Zambaku i paqes: Gabimi i madh që bëjnë pronarët kur kujdesen për bimën e njohur
Si të mbajnë rrobat në makinë aromë më gjatë dhe të jenë më të pastra
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City