Mbretërit nuk dinë për humbje në La Liga, fitojnë thellë ndaj Leganes

Real Madridi ka fituar me rezultat të thellë 4-1 ndaj Leganes në ndeshjen e vlefshme për javën e tretë të La Ligas.

Mbretërit kanë vazhduar serinë pozitive pasi kanë fituar edhe ndeshjen e tretë nga tri të zhvilluara deri më tani në kampionatin elitar spanjoll.

Pjesa e parë e ndeshjes i takoi vendasve, por në fund të dy skuadrat arritën ta tundin rrjetën.

Fillimisht ishin Mbretërit, të cilët kaluan në epërsi me anë të Gareth Bale (18′), por ishte Guido Carillo (24′), i cili barazoi nga penalltia për 1-1.

Në pjesën e dytë, djelmoshat e Julen Lopeteguit arritën të dominojnë totalisht duke arritur t’i shënojnë tri gola dhe ta vulosin fitoren.

Ishte sulmuesi Karim Benzema (50′), i cili shënoi për 2-1 pas asistimit të Marco Asensios, ndërsa francezi shënoi edhe për 3-1 në minutën e 61-të pasi u shërbye nga Luka Modric.

Në minutën e 66-të erdhi edhe goli i katërt për Realin, i cili u shënua nga penalltia nga Sergio Ramos duke vulosur fitoren dhe rezultatin përfundimtar.

Pas kësaj fitore, Reali e sheh veten në pozitën e parë me nëntë pikë, ndërsa Leganes renditet në vend të 19-të me vetëm një pikë.

Në ndeshjen e radhës, Los Blancos udhëtojnë drejt Athletic Bilbaos, teksa Leganes e presin Villarrealin. /Telegrafi/

gareth bale goal vs leganes

Real madrid 1-0 parma pic.twitter.com/fCHxA9lQkp

— sports nepal (@sportsnepal5) September 1, 2018

● CAMPEONATO ESPANHOL ●
Benzema amplia para o Madrid.

Real Madrid 3×1 Leganes pic.twitter.com/Np7pjc29n4

— Gols FutebolNews (@golsfnews) September 1, 2018

● CAMPEONATO ESPANHOL ●
Sergio ramos, de pênalti, faz mais um pro time de Madrid.

Real Madrid 4×1 Leganes pic.twitter.com/xhvm3UWRFj

— Gols FutebolNews (@golsfnews) September 1, 2018