Rita Ora, zëri i viktimave të dhunës seksuale në Kosovë – një arsye më shumë që nëna e saj krenohet me të bijën

Artistja shqiptare me renome botërore, Rita Ora, përveçse këngëtare, është e njohur edhe si bamirëse e madhe.

Tash e sa kohë ajo është shpallur ambasadore e vullnetit të mirë nga organizata më e madhe në botë, UNICEF.

Rita ka kontribuuar shumë edhe për viktimat e dhunës seksuale në Kosovë, duke mbështetur kauzën “Bëhu zëri im”, e cila është e udhëhequr nga Qendra Kosovare për Rehabilitimin e Viktimave të Torturës.

Nëna e këngëtares, psikiatria Vera Sahatçiu, është tejet krenare me të bijën, dhe ka vendosur që t’i dedikojë asaj një shkrim në rrjetin social Instagram.

https://www.instagram.com/p/Bm2lFgKAPi3

Vera ka publikuar një fotografi të Ritës gjatë takimit të saj të fundit në Kosovë me drejtueset e kauzës “Bëhu zëri im”.

Lexo po ashtu Rita Ora si ambasadore e UNICEF: Frymëzuese të jem afër fëmijëve në nevojë

Në mbishkrimin e fotografisë, ajo shkruan se ndjehet krenare dhe e nderuar për përfshirjen e të bijës në këtë fushatë.

“‘Behu zëri im’ – kampanja përmes të cilës synon përkrahjen për mbijetuarit e dhunës seksuale gjatë luftës në Kosovë. E nderuar që vazhdoj të punojë për kontributin dhe përfshirjen e Rita Orës në këtë fushatë shumë të rëndësishme që mbështet gratë e cenueshme dhe trajtimin e stigmës. Gëzohem të ndajë njohuritë dhe përvojën time për shëndetin mendor gjatë punës me gratë e rrezikuara në Britani të Madhe. Kjo është një shkak shumë i rëndësishëm dhe i ndjeshëm! 1.Chablise Stoner, Këshilltare për Politikë, Udhëheqëse e Ekipit të Pajtimit dhe Integrimit nga Ambasada Britanike në Prishtinë / Udhëheqëse e programeve për Pajtim dhe Riintegrim. 2.Feride Rushiti, drejtore e Qendrës Kosovare për Rehabilitimin e Viktimave të Torturës / Qendra Kosovare për Rehabilitimin e Mbijetuarve të Torturës (QKRMT) 3.Sebahate Pacolli Krasniqi Udhëheqëse e njësisë së rehabilitimit në QKRMT 4.Erëmirë Berisha, Asistente për Dorëzimin e Politikave, Ambasada Britanike në Prishtinë”, ka shkruar Vera Sahatçiu në Instagram. /Telegrafi/