Telefoni i parë ZTE pas ndalimit në SHBA, vjen në IFA 2018

ZTE ka pasur disa muaj të vështirë. Kompania u ndalua nga Shtetet e Bashkuara pasi nuk arriti të përmbushë kushtet e një çështje të mëhershme në një rast shkeljeje të sanksioneve.

Kompania kishte pushuar operacionet kryesore jo shumë kohë pasi ndalimi u aprovua. Megjithatë, rruga për ZTE që të kthehej në biznes u pastrua përfundimisht pasi u pajtua me një riorganizim gjobe. Telefoni i ri tani pritet të nisë në IFA 2018.

Konferenca e IFA 2018 do të zhvillohet më vonë këtë muaj në Berlin, ku shumë prodhues të telefonave do të zbulojnë produktet e tyre të reja. ZTE ka konfirmuar se do të jetë prezent në IFA 2018 nga 31 gushti deri më 5 shtator, bën të ditur Ubergizmo.

Një ftesë e rrjedhur tani po lundron në internet, gjë që sugjeron se ndoshta ZTE Axon 9 mund të lansohet në këtë ngjarje. Është brenda sferës së mundësive, pasi ZTE ka përdorur skenën IFA në të kaluarën për të zbuluar pajisje të reja. Nuk ka detaje të mëtejshme në lidhje me telefonin që ZTE pritet të lansojë në IFA 2018.