Prishtina e gatshme, Visar Bekaj e Arbnor Morina shprehen optimistë

Skuadra nga kryeqyteti, Prishtina është e gatshme për luftë, duke luftuar si gjithnjë në dy fronte për Kupë dhe për titullin e kampionit.

Portieri i skuadrës nga kryeqyteti Visar Bekaj në një deklaratë për KosovaPress tha se Prishtina është gjithmonë e gatshme, dhe si gjithnjë ambiciet mbesin të njëjta, fitimi i titullit dhe fitimi i Kupës së Kosovës.

“Normalisht Prishtina është ekip që lufton për titull kampioni dhe shpresojmë që kemi me ia dal të bëhemi kampion i Kosovës” ishin disa nga fjalët e tij”, u shpreh Bekaj.

Ndërkohë tashmë drejtori sportiv i kësaj skuadre, Arbnor Morina, edhe pse është kyçur vonë në ekip pohoi se përforcimet e reja të skuadrës do ta ndihmojnë atë shumë për të arritur objektivat në këtë sezon.

“Duhet me thënë që unë jam kyçur shumë vonë sa i përket administrimit të ekipit së bashku me shefin e shtabit teknik Mirel Josa dhe me bashkëpuntorët e tij mirëpo sipas asaj çka kemi biseduar me shefin e shtabit, Mirel Josa kemi një komponim të ekipes i cili është i mirë dhe që është dëshmuar edhe në ndeshjet testuese dhe mendojë atë që ka pas nevojë ekipi e kemi sjellë”, potencoi Morina.

Sa i përket favoritit për të fituar këtë sezon titullin e kampionit Morina pohoi se këtë sezon nuk mund të flasim vetëm për një favorit pasi ka shumë skuadra të cilat janë përforcuar me lojtar të cilët kanë pasur nevojë.

Prishtina e fillon sezonin ndaj Gjilanit të hënën në ora 19:45. /kp/