Dua Lipa një ikonë stili, veshja e saj në Kosovë me kosto të konsiderueshme

Superylli shqiptar, Dua Lipa, po qëndron në vendin tonë dhe është treguar mjaft modeste para publikut.

Ajo edhe pse nuk performoi në mbrëmjen e dytë të Sunny Hill Festival, qëndroi në zonën VIP duke përcjellë nga afër festivalin që po e organizon babai i saj, Dukagjin Lipa.

Që nga momenti i arritjes në vend, ajo ka qenë nën radarin e gazetarëve vendorë e ndërkombëtarë.

Lexo po ashtu Gjithçka rreth Dua Lipës

Ndërkaq, faqja e njohur në Instagram, WhatTheyWearin ka publikuar imazhe mbi koston e veshjes së Dua Lipës.

Veshja e Duas me të arritur në vend e fotografuar në aeroport e shfaq atë me një fustan nga Emilio Pucci nga koleksioni Resort 2019, çmimi i të cilës nuk dihet.

Syzet e saj Prada Ultravox kushtojnë hiç më pak se 325 euro, kurse këpucët nga Alexander Vauthier ngjyrë pink kushtojnë hiç më pak se 935 euro.

https://www.instagram.com/p/BmVZbGHHSUv/?taken-by=whattheywearin

Në konferencën për shtyp të mbajtur para gazetarëve në Prishtinë, Dua Lipa u shfaq me një fustan nga Christopher Kane, e fustani i kristalt kushton hiç më pak se 1165 euro.

https://www.instagram.com/p/BmVbVKtn3Sr/?taken-by=whattheywearin

Veshja që tërhoqi më së shumti vëmendjen ishte ajo në natën e performimit të saj, veshja kuq e zi.

Suita e trupit nga Murmur pati kosto prej 380 eurosh, kurse pantollonat Namilia kishin vlerën e 260 eurove, pra dukja e Duas nuk ishte edhe aq e shtrenjtë.

https://www.instagram.com/p/BmVcHSonitF/?taken-by=whattheywearin

Superylli shqiptar po shijon kohën në vendlindje para angazhimeve të reja të saj muzikore, pasi pritet që shpejt t’u kthehet studiove muzikore për angazhime të reja. /Telegrafi/