Pas referendumit partitë do të bisedojnë për një njësinë zgjedhore dhe listat e hapura

Pyetjet rreth një njësie zgjedhore dhe listat e hapura në tryezën e negociatave mes partive do të gjendet në vjeshtë, pas referendumit, thonë burimet nga grupet punuese për portalin “Makfax”. Për ndryshime të mundshme në modelin zgjedhor, palët nuk kanë diskutuar ende, sepse prioritet ishin kërkesat e OBRM-PduKM-së për qeverinë teknike dhe financimin e partive, por edhe zgjedhjen e KSHZ-së, përcjell Telegrafi Maqedoni.

Nga LSDM thonë se ata nuk do të heqin dorë nga propozimi për të ndryshuar sistemin zgjedhor në një njësi zgjedhore, si dhe për të sjellur një model të listave të votimit të hapura si një parim më demokratik sesa ai aktual, por ata gjithashtu thonë se pëlqimi kërkohet edhe nga palët e tjera. BDI nuk e mbështet idenë e një njësie zgjedhore, por është për votimin preferencial. Nga OBRM-PDUKM përgjigjen shkurtimisht se sipas dinamikës së negociatave ndërmjet grupeve punuese, ata do të diskutojnë këto tema nga shtatori.

Përbërja e re e KSHZ-së, e cila do të duhet të zhvillojë referendumin, është zgjedhur, por pasi që është një zgjidhje kalimtare, ajo ka një mandat prej gjashtë muajsh. /Telegrafi/