Gjyqtari Hoti: Zgjatja e afatit të parashkrimit nuk e bën sistemin më efikas (Video)

Arben Hoti nga Gjykata Themelore Prishtinë, ka thënë se nga paslufta gjykatat janë ballafaquar me numër të madh të lëndëve.

Ai në “Debat Plus” me Ermal Pandurin në RTV Dukagjini ka thënë se problemi me numrin e madh të lëndëve ka të bëj edhe me pa arritshmërinë e arrestimit të disa personave.

“Faji është te organet që kanë vepruar. Për disa lëndë personat janë të paarritshëm. Ose gjykata ka marrë masat por personat janë arratisë”.

Hoti ka përmendur se numri i madh i lëndëve për gjyqtarë ka qenë një pengesë për t’i kontrolluar të gjitha lëndët.
“Ka raste kur një gjyqtar ka pasur mbi 2 mijë lëndë dhe është e pamundur që të gjitha të jenë nën kontroll, por jemi duke punuar të evitohet kjo në të ardhmen”, tha ai, përcjell Telegrafi.

Gjyqtari ka thënë se mbështet faktin që zgjatja e afatit të parashkrimit nuk e bënë sistemin më efikas.

“I qëndroj faktit dhe logjikës se zgjatja e afatit të parashkrimit nuk e bënë sistemin më efikas. Njëjtë ka qenë rasti edhe me sistemin e vjetër kur prokurorit nuk i është pacaktuar afati i ngritjes së aktakuzës”, ka deklaruar gjyqtari Arben Hoti./Telegrafi/