Futbollistët Granit dhe Agon Xhaka në mbështetje të qëllimeve solidare

Futbollisti Granit Xhaka ishte një nga shqiptarët më të spikatur të Botërorit 2018.

Së fundmi, ai është vënë në mbështetje të kampanjës bamirëse dhe vullnetare për fëmijët me aftësi të kufizuara, “Do të doja të…”.

Ai së bashku me kushëririn e tij Agonin, kanë ndarë me ndjekësit e tyre në rrjetet sociale një fotografi, ku shfaqen së bashku të veshur me bluza, në të cilat shkruhet “Do të doja të…”.

22 June 😂😂

A post shared by Agon Xhaka (@axhaka) on Jul 7, 2018 at 2:37pm PDT

Nga shitja e këtyre bluzave mblidhen fondet të cilat shkojnë për bamirësi.

“Ne së bashku e përkrahim kampanjën “Do të doja të…” e cila është solidare dhe ndihmon fëmijët me nevoja të veçantë. Bëhuni edhe ju pjesë e kampanjës me blerjen e bluzës që të grumbulloni fondacionin për këta fëmijë me nevoja të veçanta”, ka shkruar Graniti në mbishkrimin e fotografisë në Instagram.

Ne se bashku e perkrahim kampanjen @dotedojate e cila eshte solidare dhe ndihmonen femijet me nevoja te veqant Behuni edhe ju pjes e kampanjes me blerjen e bluzes qe te grumbulloni fondacionin per keta femij me nevoj te veqanta @axhaka

A post shared by Granit Xhaka (@granitxhaka) on Jul 11, 2018 at 4:02am PDT

Kauza sensibilizuese “Do të doja të” ka nxjerr në shitje që nga 16 janari këto bluza, në të cilat figuron edhe logoja e kampanjës.

“Me blerjen e bluzës ju dhuroni mjete financiare prej 10 eurosh të cilat do të na ndihmojnë për realizimin e aktiviteteve të ndryshme që “Do të doja të” ofron për fëmijët me nevoja të veçanta. DHURO BUZËQESHJE!”, thuhet në njoftimin e organizatorëve të kësaj kampanje. /Telegrafi/