Prishtina mban stërvitje në Luksemburg, gati për ndeshjen me SC Fola Esch  

Prishtina ka mbajtur stërvitje në stadiumin “Emile Mayrisch”, ku nesër (e mërkurë) nga ora 18:00 do të ndeshet me skuadrën vendase, SC Fola Esch.

Klubi në një njoftim ka treguar se fusha ka qenë shumë e mirë, ndërsa shtuar se ende nuk vendim për transferimin e ndeshjes.

“Fusha e përsosur, koha e vranët dhe e freskët, ka shërbyer që skuadra mjaft mirë të akomodohet me kushtet e nesërme të lojës”.

“Skuadra nuk ka asnjë problem, të 22 futbollistët që kanë udhëtuar janë të gatshëm të japin maksimumin. Por, ekipi titullar si dhe 18-ja do të përcaktohen vetëm nesër”.

“Përndryshe skuadrën e priten edhe tifozë shqiptarë e ndër ta që informuan edhe për detaje tjera”.

“Për transmetimin e ndeshjes klubi ende nuk ka njohuri, sepse në Kosovë nuk e transmeton askush, por po bëjmë përpjekje që të sigurojnë sinjalin për facebook-un e klubit si dhe për televizionin digjital Zëri Neës”.

“Edhe nëse nuk sigurojmë sinjal të transmetimit,do të provojmë që të kemi pamje direkt të siguruara me incizim të klubit”, thuhet në njoftimin e klubit prishtinas.

Prishtina e kishte eliminuar Europa FC me rezultat të përgjithshëm 6-1. /Telegrafi/   

Përndryshe në grumbullim janë 22 futbollistë dhe formacioni do të caktohet vetëm para fillimit të ndeshjes.

Portierë: Visar Bekaj, Alban Muqiqi.

Mbrojtës të djathtë: Armend Thaqi, Përparim OsmanI, Lorik Maxhuni.

Mbrojtës të majtë: Jamal Arago, Abdul Bashiru.

Mbrojtës qendror: Armend Dallku, Ahmet Haliti, Debatik Curri, Leotrim Bekteshi.

Mesfushorë: Argjend Mustafa, Ergyn Ahmeti, Lorik Boshnjaku, Mërgim Pefqeli, Meriton Korenica, Qendrim Zyba, Gauthier Mankenda.

Sulmues: Ahmed Januzi, Basit Abdul Khalid, Alen Jasharoski, Arbër Hoxha.