DeMarcus Cousins arrin marrëveshje me Golden State Warriors

Një nga qendrat më të mira në NBA, DeMarcus Cousins, ka nënshkruar një kontratë me kampionin e NBA-së.

Basketbollisti amerikan pasi është shëruar nga lëndimi i tendinit të Akilit, ka arritur marrëveshje njëvjeçare me Golden State Warriors, ku do të ketë pagë vjetore prej 5.3 milionë dollarëve.

Ardhja e lojtarit në ekipin më të fortë të ligës numër një në botë të basketbollit mund të mos vërehet pasi që klubi ka në radhët e veta Stephen Curryn, Klay Thompsonin, Kevin Durantin dhe Draymond Green.

“Luftëtarët” janë vetëm ekipi i gjashtë në historinë e NBA dhe i pari që nga sezoni 1975/76, i cili ka pesë lojtarë të ndeshjes së sezonin paraprak të All-Star.

Theksojmë se 27-vjeçari te New Orleans Pelicans ka pasur një mesatare prej 25.2 pikëve, 12.9 kërcime dhe 5.4 asistime ndërsa ka efikasitet prej 35.4 për qind sa i përket gjuajtjeve për tre pikë.

Mediat thonë se Cousins zgjodhi Warriorsit para Boston Celtics pasi që dëshiron të fitojë një titull të kampionit të NBA-së.

Kështu, pavarësisht ardhjes së LeBron James në Los Angeles Lakers, Warriors do të vazhdojnë të jenë një ndër favoritët kryesor për titullin e kampionit. /Telegrafi/

The 3rd splash Brother 😂😂😂😂😂😂😂. Let’s go @boogiecousins

— Stephen Curry (@StephenCurry30) July 3, 2018