Drita shkruan historinë për futbollin kosovar, fiton turneun parakualifikues të Ligës së Kampionëve!
Drita ka shkruar historinë e futbollit kosovar duke arritur të fitojë turneun parakualifikues të Ligës së Kampionëve, pasi mposhti në finale kampionin e Gjibraltarit, Lincoln Red Imps, me rezultat 4-1. Drita kështu siguron rrethin e parë të kualifikimeve në Ligën e Kampionëve ku e pret kampioni i Suedisë, gjiganti Malmo.
Sfida filloi me pak shikues në Victoria Stadium, ku skuadra vendase kishte përparësinë e terenit vendas, një fushë artificiale ku Drita u përshtat shpejt.
Pas vetëm dy minutash lojë një harkim i mirë në zonë e gjeti të lirë Liridon Lecin, i cili u gjend mirë në zonë për të shënuar për 1-0 (2′).
Me të vazhduar takimi vendasit nga Gjibraltari u hodhën në sulm, kjo krijoi kundërsulme të rrezikshme.
Drita pati raste të shumta në vazhdim të pjesës së parë, por nuk arriti që të konkretizonte, ndoshta për shkak të mungesës së përvojës në garat evropiane.
Në pjesën e dytë u intensifikuan sulmet e vendasve të cilët krijuan lojë më të mirë në mesfushë, kurse gjyqtari ndëshkoi plot gjashtë lojtarët të Dritës në këtë fraksion loje.
Pas një harkimi të Gamiz, ishte Corral ai që shënoi për 1-1 dhe gëzimin e tifozëve vendas (61).
Deri në fund dy skuadrat krijuan përpjekje, por Drita nuk gjeti golin e merituar dhe me rezultat të barabartë 1-1 ndeshja shkoi në vazhdime.
Në vazhdime Drita pati sërish dominimin ndaj kampionit të Gjibraltarit, por nuk arriti që të gjente golin, kurse mbeti edhe pa Fidan Gërbeshin i cili u përjashtua me kartonin e dytë të verëdhë në minutën e 100-të të sfidës.
Në minutën e 107-të, Bernardo Lopes shkaktoi penalti, ku Liridon Leci shënoi nga penaltia për 2-1 dhe duke i dhënë fund kështu vazhdimeve me golin e tij të dytë dhe të dytin për Dritën.
Pas disa kundërsulmeve të huqura, ishte Xhevdet Shabani ai që realizoi për 3-1, kurse në fund me parabolë Haxhi Neziraj shokoi vendasit për 4-1 dhe rezultatin përfundimtar.
Pasi triumfoi në këtë turne parakualifikues, Drita vazhdon garat në rrethin e parë të kualifikimeve në Ligën e Kampionëve ku përballet me gjigantin suedez, Malmo.
Në rast të eliminimit nga Malmo, tash këto ndeshje me sistem vajtje ardhje, skuadra e Dritës mund të vazhdojë në rrethin e dytë të kualifikimeve të Europa League, ku përballet me humbësin e takimit Dudelange (Luksemburg) – Videoton (Hungari).
Prezenca e suksesshme e Dritës në garat evropiane ashtu sikurse e Prishtinës, pos që do të mbushë arkat e këtyre dy klubeve do të sigurojë vlerësim më të lartë të futbollit kosovar te UEFA, ku edhe një ekip i tretë nga edicioni i ardhshëm nga Superliga e Kosovës mund të marrë pjesë në garat evropiane. /Telegrafi/
Promo
Reklamo këtuLufta Prigozhin - Putin
Më shumëBisedimet kanë nisur, Jose Mourinho befason të gjithë me skuadrën e tij të re
Bayerni konfirmon lëndimin e yllit të skuadrës, mungon ndaj Real Madridit
Skuadrat që përfitojnë më shumë nga fanellat e tyre – askush nuk mund të mposhtë numrin 1
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Rekordi i pabesueshëm që ka thyer Messi pas paraqitjes heroike ndaj New York RB, asnjë futbollist në histori nuk e ka arritur këtë
E ardhmja e tij është larg Old Trafordit, Man Utd i vendos çmimin e largimit Jadon Sanchos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak